Mbappe ៖ យើងខ្វះបទពិសោធ ស៊ុតមិនផុត Buffon តែគេវិញឱកាស២ដង បាន២គ្រាប់

2017-05-04 02:07:56
ចំនួនមតិ 0 | ចំនួនចែករំលែក 0

ចន្លោះមិនឃើញ

Kylian Mbappe មានអារម្មណ៍ថាក្រុម Monaco នៅខ្វះបទពិសោធច្រើនក្នុងការលេងជាមួយក្រុមខ្លាំងៗ ដែលមានខ្សែការពារនិងអ្នកចាំទីល្អ ផ្ទុយពី Juventus វិញ ពួកគេមានឱកាសតែ២ដងទេ តែអាចទម្លាយសំណាញ់ទីបាន២គ្រាប់ដែរ។

Monaco បរាជ័យក្នុងដីខ្លួនឯងកាលពីយប់មិញនេះ ក្រោមថ្វីជើងរបស់ Juventus នៃពានរង្វាន់ UEFA Champions League វគ្គ៤ក្រុមចុងក្រោយក្នុងលទ្ធផល ០-២។ ដោយ២គ្រាប់ដែលរកបាននោះ គឺខ្សែប្រយុទ្ធ Gonzalo Higuain ជាអ្នកធ្វើបានសម្រេច។ ក្រោយចប់ការប្រកួតនេះដែរ Mbappe បានបង្ហាញចំណាប់អារម្មណ៍ខ្លះៗទាក់ទងជាមួយទម្រង់លេងរបស់ក្រុម និងការបញ្ចប់ទីពេលប៉ះអ្នកចាំទីមានបទពិសោធរាប់ឆ្នាំ។

“យើងមានបទពិសោធតិចពេក ហើយការបញ្ចប់ទីក៏មិនទាន់បានល្អ។ យើងបង្កើតឱកាសច្រើន ប៉ុន្តែមិនអាចគេចផុតពីខ្សែការពារនិងអ្នកចាំទីបាន។ ផ្ទុយទៅវិញ Juventus មានឱកាសតែ២ដងទេ ប៉ុន្តែពួកគេអាចធ្វើបានសម្រេចរកគ្រាប់បាល់បាន២គ្រាប់។ Buffon ពិតជាធ្វើបានល្អខ្លាំងណាស់ យើងសង្ឃឹមថានៅជើងទី២ អាចទម្លុះគាត់បាន”។ សម្ដីខ្សែប្រយុទ្ធវ័យ១៨ឆ្នាំរបស់ Monaco ។

ចំពោះជើងទី២នៃការប្រកួតរវាងក្រុមទាំងពីរខាងលើនេះ នឹងត្រូវធ្វើឡើងនៅទឹកដីអ៊ីតាលីវិញម្ដង នៅថ្ងៃទី៩ខែឧសភាឆ្នាំ២០១៧នេះ វេលាម៉ោង១:៤៥នាទីរំលងអាធ្រាត្រ៕

ប្រភព៖ Goal ប្រែសម្រួល៖ មុន្នីរម្យ