កាន់ដៃមនុស្សជាទីស្រឡាញ់របស់អ្នកទៅ Wedding Fair
- 2017-05-05 10:02:52
- ចំនួនមតិ 0 | ចំនួនចែករំលែក 0
កាន់ដៃមនុស្សជាទីស្រឡាញ់របស់អ្នកទៅ Wedding Fair
ចន្លោះមិនឃើញ
លោកអ្នកមានគម្រោងរៀបអាពាហ៍ពិពាហ៍នាពេលខាងមុននេះមែនទេ? ប្រាកដណាស់អ្នកពិតជាពិបាកសម្រេចចិត្តក្នុងការជ្រើសរើសសេវាកម្ម និងសម្ភារៈផ្សេងៗក្នុងថ្ងៃពិសេសនេះហើយ។ ប៉ុន្តែ! កុំបារម្ភអី! ក្រុមហ៊ុនអនុស្សារនឹងរៀបចំកម្មវិធីពិព័រណ៍អាពាហ៍ពិពាហ៍ជាលើកទី២ នៅថ្ងៃទី ២២-២៣ ខែកក្កដា ឆ្នាំ២០១៧ នៅអគារពិព័រណ៍កោះពេជ្រ ចាប់ពីម៉ោង៨ព្រឹក រហូតដល់ម៉ោង ៨យប់។
ពិព័រណ៍អាពាហ័ពិពាហ៍ដ៏ធំប្រចាំឆ្នាំនេះនឹងក្លាយទៅជាវេទិកាប្រមូលផ្ដុំនូវគំនិត អ្នកផ្គត់ផ្គង់សម្ភារៈមង្គលការ និន្នាការទំនើបៗនៃការរៀបការដែលពិភពលោកកំពុងតែអនុវត្ត និងទិដ្ឋភាពជាច្រើនផ្សេងទៀតជុំវិញការរៀបចំអាពាហ៍ពិពាហ៍។
អ្នកចូលរួមទាំងអស់នឹងមានឱកាសទទួលបានព័ត៌មានល្អៗ យល់ដឹងពីគម្រោងរៀបអាពាហ៍ពិពាហ៍ដ៏វិសេសវិសាល និងចំណាយថវិកាអស់តិច ការផ្តល់យោបល់ពីសំណាក់អ្នកមានបទពិសោធន៍ដើម្បីជម្រះរាល់ភាពស្មុគស្មាញ ការសាកល្បងផលិតផល និងសេវាកម្មជាច្រើនប្រភេទ ដែលប្រកបដោយគុណភាពខ្ពស់ និងភាពឆ្លាតវៃ។
លើសពីនេះទៀតក៏មានការសម្តែងកម្មវិធីសំសំខាន់មួយចំនួនក្នុងពិធីរៀបមង្គលការដូចជាពិធីបុកល័ក្ខ ពិធីកាត់សក់បង្កក់សេរី កម្មវិធីជាវខាន់ស្លាជាដើម រួមជាមួយនឹងការបង្ហាញម៉ូតសម្លៀកបំពាក់បុរាណ សម័យ សម្លៀកបំពាក់បែបប្រពៃណី និងការធ្វើបទបង្ហាញអំពីប្រធាទបទដែលគួរអោយចាប់អារម្មណ៍ដែលទាក់ទងទៅនឹងដំណើរការនៃការរៀបចំអាពាហ៍ពិពាហ៍ ទីកន្លែងដ៏ស្រស់ស្អាតសម្រាប់ក្រេបទឹកឃ្មុំផងដែរ។ មិនតែប៉ុណ្ណោះលោកអ្នកនឹងទទួលបានការបញ្ចុះតម្លៃពិសេសរហូតដល់ ៥០% ពីបណ្ដាក្រុមហ៊ុនពាក់ព័ន្ធ ដែលរួមមានម្ហូបតុការ ភេសជ្ចៈ ស្រាបៀរ សេវាកម្មតុបតែងផ្កា ច្នៃម៉ូតមង្គលការ សំអាងការ គ្រឿងអលង្ការ ធនាគារ ហរិញ្ញវត្ថុ សេវាកម្មថតរូប និងវីដេអូ លំនៅដ្ឋាន សេវាគ្រប់គ្រង និងរៀបចំពិធីមង្គលការ និងក្រុមហ៊ុនជាច្រើនផ្សេងទៀតដែលបានត្រៀមខ្លួនជាស្រេចក្នុងការនាំយកមកនូវផលិតផលថ្មីៗប្រកបដោយគុណភាព និងជម្រើសនៃសេវាកម្មជាច្រើនសម្រាប់អ្នកចូលរួមទាំងអស់។
ចង់ឲ្យថ្ងៃពិធីមង្គលការរបស់លោកអ្នកឡូយ ចំណេញថវិការ និងសន្សំសំចៃពេលវេលា?កាន់ដៃមនុស្សជាទីស្រឡាញ់របស់អ្នកទៅ Wedding Fairដែលធ្វើឡើងនៅថ្ងៃទី ២២ ២៣ ខែកក្កដា នៅអគារពិព័រណ៍កោះពេជ្រខាងមុខនេះ។
កម្មវិធីនេះរៀបចំដោយក្រុមហ៊ុនអនុស្សា គាំទ្រដោយក្រសួងពាណិជ្ជកម្ម ឧបត្ថម្ភធំដោយក្រុមហ៊ុនស្តារអូតូខេមបូឌា។
បណ្តាក្រុមហ៊ុនានាដែលមានចំណាប់អារម្មណ៍ក្នុងការចូលរួមតាំងស្តង់លក់សេវាកម្មពិធីមង្គលការក្នុងពិព័រណ៍អាពាហ៍ពិពាហ៍លើកទី២ អាចទំនាក់ទំនងមកកាន់លេខទូរស័ព្ទ ០១២ ២៣០ ១៤០ និង ០១០ ៩១១ ៧៧៦ រឺ គេហទំព័រហ្វេសប៊ុក ANUSSA Event Planner ។