ចេញកាលបរិច្ឆេទច្បាស់លាស់ហើយពីមង្គលការ ឆាយ វីរៈយុទ្ធ
- 2017-05-06 04:45:27
- ចំនួនមតិ 0 | ចំនួនចែករំលែក 0
ចេញកាលបរិច្ឆេទច្បាស់លាស់ហើយពីមង្គលការ ឆាយ វីរៈយុទ្ធ
ចន្លោះមិនឃើញ
បន្ទាប់ពីមានព័ត៌មានភ្ជាប់ពាក្យជាមួយកូនថៅកែម៉ាស៊ីនស្រូវនៅខេត្តកំពង់ចាមកាលពីខែមុន ឥឡូវនេះ មានដំណឹងពីថ្ងៃមង្គលការពិតប្រាកដរបស់តារាចម្រៀងរូបនេះហើយ។
តាំងពីថ្ងៃភ្ជាប់ពាក្យ លោក ឆាយ វីរៈយុទ្ធ ផ្ទាល់បានព្យាយាមមិនអធិប្បាយរាល់ការចោទសួររបស់អ្នកសារព័ត៌មានជុំវិញគម្រោងអាពាហ៍ពិពាហ៍របស់លោក។ ប៉ុន្តែថ្មីៗនេះ មានប្រភពមួយបានបង្ហើបប្រាប់ Sabay ថា ម្ចាស់បទ "ទឹកលុយសម្លាប់ទឹកចិត្តខ្ញុំហើយ" រូបនេះ នឹងចូលរោងការនៅថ្ងៃទី២១ ឧសភា នេះហើយ។
ប្រភពដែលសុំមិនបញ្ចេញឈ្មោះប្រាប់ថា គេទើបបានទទួលលិខិតអញ្ជើញពីលោក ឆាយ វីរៈយុទ្ធ ប៉ុន្មានថ្ងៃនេះប៉ុណ្ណោះ ដោយមង្គលការលោកធ្វើនៅខេត្តកំពង់ចាមនាគេហដ្ឋានខាងស្រី។ តាមគម្រោងមង្គលការរបស់តារាចម្រៀងល្បីរូបនេះ បានអញ្ជើញភ្ញៀវពិសាភោជនីយអាហារ១៥០តុ ប៉ុន្តែមិនដឹងក្នុងនោះ មានមិត្តសិល្បៈរបស់លោកមានប៉ុន្មានតុនោះទេ។
ភរិយារបស់លោកមានឈ្មោះថា សែ ចាន់ឌី ដែលតាមព័ត៌មានកន្លងមក នាងជាអ្នកនិពន្ធបទចម្រៀងឲ្យលោក ឆាយ វីៈយុទ្ធ ច្រៀងទៀតផង៕