ប្រកួតស្វែងរកជើងឯកអ្នកអក្សរសាស្ត្រវ័យក្មេង
- 2017-05-07 07:16:33
- ចំនួនមតិ 0 | ចំនួនចែករំលែក 0
ប្រកួតស្វែងរកជើងឯកអ្នកអក្សរសាស្ត្រវ័យក្មេង
ចន្លោះមិនឃើញ
ដើម្បីជំរុញភាពក្លាហាន និងជាថ្នាលសម្រាប់អភិវឌ្ឍចំណេះដឹង និងថែរក្សាអក្សរសាស្ត្រខ្មែរ ក៏ដូចជាបណ្ដុះស្មារតីប្រកួតប្រជែងរបស់កុមារកម្ពុជាឲ្យកាន់តែមានភាពខ្លាំងក្លានៅថ្ងៃទី ១៧ និង១៨ ខែមិថុនានៅកោះពេជ្រ នឹងមានរៀបចំការប្រកួតប្រជែងជ្រើសរើស “ជើងឯកអ្នកអក្សរសាស្ត្រវ័យក្មេង” សម្រាប់កម្មវិធីពិព័រណ៍កុមារ និង គ្រួសារ។
កម្មវិធីដែលមានការប្រកួតច្រើនប្រភេទដែលមាតាបិតាទាំងអស់ នឹងមានឱកាសឲ្យបុត្រធីតាដ៏ឆ្លាតៗរបស់ខ្លួនបញ្ចេញនូវសមត្ថភាពដ៏ប៉ិនប្រសប់ និងទេពកោសល្យរបស់ពួកគេ តាមរយៈការប្រកួតសូត្រកំណាព្យ និយាយរឿងនិទាន សរសេរតាមអាន ប្រកួតគិតលេខ និងបើកវចនានុក្រមខ្មែរជាដើម។
បន្ទាប់មកអ្នករៀបចំកម្មវិធីនឹងធ្វើការវិនិច្ឆ័យយ៉ាងសុក្រឹត និងយុត្តិធម៌ ដើម្បីជ្រើសរើសអ្នកឈ្នះមួយរូបក្នុងការប្រកួតនីមួយៗ។ កុមារ និងក្រុមគ្រួសារដែលឈ្នះនឹងទទួលបានរង្វាន់យ៉ាងច្រើនសន្ធឹកសន្ធាប់។
លក្ខខ័ណ្ឌនៃការចូលរួម៖ ងាយៗ! លោកអ្នកគ្រាន់តែអញ្ជើញទៅចូលរួមក្នុងពិព័រណ៍កុមារ និងគ្រួសារលើកទី៤ដែលធ្វើឡើងនៅថ្ងៃទី ១៧ ១៨ ខែមិថុនា នៅអគារពិព័រណ៍កោះពេជ្រ រួចមកគ្រាន់តែធ្វើការចុះឈ្មោះបុត្រធីតារបស់លោកអ្នក ដែលចង់ចូលប្រកួតនៅបរិវេណជិតឆាកជាការស្រេច។ កុមារដែលអាចចូលរួមបានត្រូវមានអាយុយ៉ាងច្រើនបំផុត ១២ ឆ្នាំ។
“ឪវា! តោះនាំកូនយើងទៅប្រកួតនៅឃីតហ្វែរ”
កម្មវិធីនេះរៀបចំដោយក្រុមហ៊ុនអនុស្សា គាំទ្រដោយក្រសួងពាណិជ្ជកម្ម និង ឧបត្ថម្ភធំដោយក្រុមហ៊ុនស្តារអូតូខេមបូឌា។ បណ្តាក្រុមហ៊ុននានាដែលមានចំណាប់អារម្មណ៍ក្នុងការចូលរួមតាំងស្តង់លក់ផលិតផល និងសេវាកម្មកុមារក្នុងពិព័រណ៍កុមារ និង គ្រួសារដែលធ្វើឡើងនៅថ្ងៃទី ១៧ ១៨ ខែមិថុនា នៅអគារពិព័រណ៍កោះពេជ្រខាងមុខនេះ អាចទំនាក់ទំនងមកកាន់លេខទូរស័ព្ទ ០១២ ២៣០ ១៤០ និង ០១០ ៩១១ ៧៧៦ រឺ គេហទំព័រហ្វេសប៊ុក ANUSSA Event Planner ។