វីដេអូអ្នកជួយសង្គ្រោះព្យាយាមទាញឪពុកកូនចេញពីរថយន្តអណ្ដែតទឹក ឃើញហើយខ្លោចចិត្ត
- 2017-05-11 02:06:06
- ចំនួនមតិ 0 | ចំនួនចែករំលែក 0
វីដេអូអ្នកជួយសង្គ្រោះព្យាយាមទាញឪពុកកូនចេញពីរថយន្តអណ្ដែតទឹក ឃើញហើយខ្លោចចិត្ត
ចន្លោះមិនឃើញ
ប៉ូលិសប្រចាំរដ្ឋផ្លរីដា សហរដ្ឋអាមេរិក បានបញ្ចេញវីដេអូគួរឲ្យក្ដុកក្ដួលចិត្តមួយបង្ហាញពី មនុស្សបីបួននាក់ព្យាយាមទាញបុរសចំណាស់ម្នាក់ និងកូនស្រីចេញពីរថយន្តហូរអណ្ដែតតាមទឹកយ៉ាងជ្រៅ បន្ទាប់ពីរថយន្តពួកគាត់ជ្រុលចង្កូតធ្លាក់ទឹក បណ្ដាលឲ្យបាត់បង់ជីវិតទាំងពីរនាក់យ៉ាងអាណោចអាធ័ម។
ហេតុការណ៍នេះបានកើតឡើងនៅម៉ោង ៤៖២០នាទីល្ងាចថ្ងៃច័ន្ទ (ម៉ោងតំបន់) ដោយមានអន្តរាគមន៍ពីអាជ្ញាធរដែរ តែមិនអាចសង្គ្រោះទាន់ពេលវេលា។
ប្រភពពីអាជ្ញាធរបានបញ្ជាក់ថា អ្នកដំណើរនៅទីនោះជាច្រើននាក់បានលោតចុះទឹកព្យាយាមសង្គ្រោះរថយន្តដែលកំពុងលិចបន្តិចម្ដងៗ ហើយក្រោយមកទើបគេស្គាល់អត្តសញ្ញាណជនរងគ្រោះ គឺលោកតា Eugene Hayden អាយុ ៨៨ឆ្នាំ ជាឪពុក និងកូនស្រី Carol អាយុ ៦៤ឆ្នាំជិះនៅខាងមុខទាំងពីរនាក់។
តាមសេចក្ដីរាយការណ៍ មុនពេលកើតហេតុរថយន្តខាងលើបានបុកជាមួយបង់អង្គុយ ស្ដុប និងបន្តបុករនាំងបាំងច្រាំងទន្លេ រួចធ្លាក់ចូលទឹកតែម្ដង។
ក្រុមអ្នកមុជទឹកបានរកឃើញរថយន្តក្នុងទឹកនៅរយៈពេល ២ម៉ោងបន្ទាប់ពីលិច ហើយបានបើកពោងសុវត្ថិភាព(ពោងខ្យល់) ក្នុងរថយន្តឲ្យវាហើបចេញពីទឹក តែឪពុកកូនបានស្លាប់ទៅហើយ៕