ទីបំផុត Porsche 911 ទីមួយលានគ្រឿងលេចរូបរាងមកហើយ

2017-05-12 03:25:02
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីចំណាយពេល ៥៤ ឆ្នាំលើសង្វាក់ផលិតកម្មនៅទីបំផុត Porsche ផលិតបានរថយន្តម៉ូដែល 911 ទីមួយលានគ្រឿងក្នុងរោងចក្រធំនៅប្រទេសអាល្លឺម៉ង់ហើយ។

រថយន្តទីមួយលានគ្រឿងនេះផលិតជាពិសេសដោយប្រើពណ៌បៃតង ដោយយកលំនាំតាមពណ៌នៃរថយន្ត 911 ម៉ូដែលដំបូង។ ចំណែកនៅពីក្នុងក៏មានរចនារូបរាងស្អាតទាក់ភ្នែក បូករួមនឹងស្លាកសម្គាល់ថានេះជារថយន្តទីមួយលានគ្រឿង។ 911 ទីមួយលាននេះនឹងមិនលក់ទៅឲ្យអតិថិជនណាម្នាក់ឡើយ ដោយនឹងទុកតាំងនៅសារមន្ទីររថយន្ត Porsche។

ត្បិតថា 911 ជារថយន្តដ៏ពេញនិយមមួយរបស់ Porsche ដែលផលិតបានមួយលានគ្រឿងដំបូងគេ ប៉ុន្តែមិនមែនជារថយន្តដែលផលិតបានចំនួនច្រើនជាងគេក្នុងជំនួញនេះឡើយ។ ជាក់ស្ដែង Chevrolet ផលិតរថយន្ត Corvettes បានជាង ១,៥ លានគ្រឿងឯណោះ។ ប៉ុន្តែអ្វីគួរឲ្យភ្ញាក់ផ្អើលនោះគឺក្នុងចំណោមចំនួនរថយន្ត 911 ដែលផលិតឡើងទាំងអស់មានប្រមាណ ៧០% នៅធ្វើដំណើរលើដងផ្លូវនៅឡើយ ដោយនេះជាតួលេខមួយក្រុមហ៊ុនដទៃមិនអាចធ្វើបាន៕