CD-Center រៀបចំសិក្ខាសាលាស្តីពីសាយប៊ើស្ប៉េស (Cyberspace) សំខាន់បំផុតសម្រាប់យុវជន

2017-05-12 09:11:32
ចំនួនមតិ 0 | ចំនួនចែករំលែក 0

ចន្លោះមិនឃើញ

មជ្ឈមណ្ឌលអភិវឌ្ឍន៍កម្ពុជានឹងរៀបចំសិក្ខាសិលាមួយស្តីពី សាយប៊ើស៉្បេស នៅឯមជ្ឈមណ្ឌល សហប្រតិបត្តិការកម្ពុជា-ជប៉ុន (CJCC) នៃសាកលវិទ្យាល័យភូមិន្ទភ្នំពេញ ថ្ងៃ សុក្រ ទី១៩ ខែឧសភានេះ។ សិក្ខាសាលានេះស្ថិតក្រោមប្រធានបទ “ការសិក្សាស្វែងយល់អំពីអភិបាលកិច្ច សាយប៊ើស្ប៉េស (Cyberspace) ដែលឆ្លើយតបទៅនឹងតម្រូវការ និងគោលដៅអភិវឌ្ឍន៍ក្នុងប្រទេសកម្ពុជា៖ វិធីសាស្ត្រ-ពហុទស្សនៈវិស័យ (Exploring a Responsive Cyberspace Governance Model in Cambodia- A Multi-Perspective Approach)"។

សិក្ខាសិលាស្តីអំពីសាយប៊ើស៉្បេស(Cyberspace) នឹងប្រព្រឹត្តទៅនៅថ្ងៃសុក្រ ទី១៩ ខែឧសភា ឆ្នាំ២០១៧នេះ ចាប់ពីម៉ោង ៧:៣០ព្រឹក ដល់ ១២:៣០ថ្ងៃត្រង់ នៅឯមជ្ឈមណ្ឌលសហ ប្រតិបត្តិការកម្ពុជា-ជប៉ុន(CJCC)។ សិក្ខាសាលានេះរៀបចំឡើងដោយមជ្ឈមណ្ឌលអភិវឌ្ឈន៍ កម្ពុជា ដែលបង្កើតឡើងក្នុង គោលបំណងរួមចំណែកដល់ដំណើរការកសាងសមត្ថភាពធនធានមនុស្ស និងការអភិវឌ្ឍគោលនយោបាយ ជាតិរបស់ព្រះរាជាណាចក្រកម្ពុជា។

គោលដៅនៃសិក្ខាសាលានេះគឺដើម្បីលើកកម្ពស់ការយល់ដឹងរបស់យុវជនអំពីឱកាស និងការប្រឈម នៃការប្រើប្រាស់សាយប៊ើស៉្បេស និងការរិះរកដំណោះស្រាយ និងវិធីគ្រប់គ្រងសាយប៊ើស៉្បេស ដែលឆ្លើយតបនឹងតម្រូវការផ្សេងៗរបស់អ្នកពាក់ព័ន្ធទាំងអស់ ក៏ដូចជាសម្រេចគោលដៅអភិវឌ្ឈន៍ជាតិ។

សមាសភាពវាគ្មិន

លោកបណ្ឌិត យន់ គា នាយកប្រតិបត្ដិនៃមជ្ឈមណ្ឌលអភិវឌ្ឍន៍កម្ពុជា បានបញ្ចេញមតិថា «ក្នុងនាមខ្ញុំជានាយកប្រតិបត្តិនៃមជ្ឈមណ្ឌលអភិវឌ្ឍន៍កម្ពុជា ខ្ញុំសូមណែនាំដល់យុវជន យុវនារីយើងនូវសិក្ខាសាលាស្តីអំពីសាយប៊ើស៉្បេសដ៏មានសារៈប្រយោជន៏នេះ ដោយខ្ញុំយល់ឃើញថា ប្រធានបទនេះ គឺជាប្រធានបទមួយដែលយុវជនចាំបាច់ត្រូវតែយល់ដឹង ពីព្រោះសាយប៊ើស្ប៉េស ដែលរួមមាន បច្ចេកវិទ្យា ព័ត៌មានវិទ្យា និងទូរគមនាគមន៍ បណ្ដាញទំនាក់ទំនងសង្គម និងប្រព័ន្ធអ៊ីនធឺណេតជាដើម គឺជាប្រភពដ៏មានសក្ដានុភាពសម្រាប់ការអភិវឌ្ឍខ្លួនឯង និងសង្គមជាតិ នាពេលបច្ចុប្បន្ន និងទៅអនាគត»។

«ដូច្នេះយុវជនទាំងអស់ចាំបាច់ត្រូវតែស្វែងយល់អំពីការប្រើប្រាស់ សាយប៊ើស៉្បេស ដើម្បីទាញយកផលប្រយោជន៍អតិបរមាសម្រាប់ខ្លួនឯង និងសង្គមជាតិ ក៏ដូចជាត្រូវ យល់ដឹងអំពីវិធីជៀសវាងនូវហានិភ័យ និងជម្នះនូវរាល់កត្ដាប្រឈមទាំងឡាយក្នុងការប្រើប្រាស់ សាយប៊ើស៉្បេស»។

សិក្ខាសាលានេះនឹងមានការចូលរួមពីវាគ្មិនល្បីៗដែលមានជំនាញ និងបទពិសោធន៏ខ្ពស់ ដូចជា លោក ឩកញ៉ា ជី សិលា អគ្គនាយកប្រតិបត្តិក្រុមហ៊ុនSabay លោក ពុយ គា អ្នកឆ្លងឆ្លើយសារព័ត៌មាន ក្យូដូជប៉ុន លោក អ៊ូ ផាន់ណារិទ្ធ ប្រធាននាយកដ្ឋានសន្ដិសុខបច្ចេកវិទ្យាគមនាគមន៍ និងព័ត៌មាន នៃក្រសួងអគារក្រសួងប្រៃសណីយ៍ និងទូរគមនាគមន៍ លោក ស្រ៊ាង បូរមី នាយកគ្រប់គ្រង វីឌូស៊ែរ និងវាគ្មិនមកពីស្ថាប័នរដ្ឋផងដែរ ដើម្បីមកធ្វើបទបង្ហាញ ផ្លាស់ប្ដូរបទពិសោធន៍ និងផ្តល់ជាចំណេះដឹង អំពីការប្រើប្រាស់និងគ្រប់គ្រងសាយប៊ើស៉្បេសដើម្បីឆ្លើយតបទៅនឹងតម្រូវការរបស់អ្នកពាក់ព័ន្ធ និងសម្រេចគោលដៅអភិវឌ្ឈន៍ជាតិ។

ក្រៅពីទទួលបានចំណេះដឹង និងបទពិសោធន៍ អ្នកចូលរូមទាំងអស់នឹងទទួលបានអត្ថប្រយោជន៍ ជាច្រើនផ្សេងៗទៀតដូចជាNetworkingជាដើម។ អ្នកដែលមានចំណាប់អារម្មណ៍ចង់ចូលរួមសិក្ខាសាលាមួយនេះអាចរកទិញសំបុត្របាននៅ មជ្ឈមណ្ឌលអភិវឌ្ឍន៍កម្ពុជា វិទ្យាសា្ថនភាសាបរទេស(IFL) សាកលវិទ្យាល័យបញ្ញាសាស្រ្ដ(PUC) សាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច(RULE) វិទ្យាស្ថានបច្ចេកវិទ្យាកម្ពុជា(ITC) និងសាកលវិទ្យាល័យពុទ្ធិសាស្រ្ដ(UP)។ ទំនាក់ទំនងទិញសំបុត្រតាមរយៈលេខទូរស័ព្ទ 023 6310 310, 010 818 855, 012751720៕

អត្ថបទ៖ ដៃគូសហការ

ពាក្យទាក់ទង

ដៃគូសហការ

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

អត្ថបទថ្មី

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

កក្រើក! ក្រុមបាល់ទះកីឡាករល្បីៗចូលប្រកួតបាល់ទាត់ដ៏ធំមួយប្រមូលមូលនិធិជូនមន្ទីរពេទ្យគន្ធបុប្ផា

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី