ត្រណមចាស់ៗ ដែលហាមមិនគួរធ្វើពេលទារកទើបនឹងកើត

2017-05-18 07:23:42
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលអ្នកទើបនឹងសម្រាលកូនរួច ចាស់ៗបុរាណលោកមានតំណមមួយចំនួនដែលអ្នកមិនអាចធ្វើនៅមុខកូនទើបនឹងកើតនោះទេ។

រូបភាពបរទេស

លោកយាយ សាំង អឹម អាយុ៧៨ឆ្នាំ រស់ បាននិយាយថា ចាស់ៗបុរាណបានហាមមិនឲ្យនិយាយពាក្យសរសើរមួយចំនួននៅចំពោះមុខទារកដូចជា ៖ កូនស្អាត កូនល្អគួរឲ្យស្រឡាញ់ មិនលេងក្ដិចថ្ពាល់ មិនឲ្យនិយាយថាកូនឆ្លាតមិនងាយយំ ងាយបៅទឹកដោះគោអស់ ឬពាក្យសរសើរមួយចំនួនទៀត ព្រោះក្រោយពេលដែលគេលឺ គេនឹងធ្វើអ្វីប្រឆាំងនឹងពាក្យសរសើររបស់អ្នកបាន។

លោកយាយ បន្តថា យើងមិនគួរយកម្រាមដៃរបស់អ្នកកេសបាតជើងរបស់កូនលេងនោះទេ ព្រោះវាអាចប៉ះពាល់ដល់ការដើររបស់គេនៅពេលដែលធំឡើង។ មួយទៀតគឺហាមមិនឲ្យថើប មិនឲ្យសរសើរថា ស្អាត ព្រោះថាបើយើងធ្វើបែបនេះធ្វើឲ្យមានគេស្រឡាញ់ដែរ និងមកលេងសើច (ម្រេញគង្វាល ខ្មោច ព្រាយ ) ដែលអាចធ្វើឲ្យទារកយំអត់ដេក ដោយចាស់ៗលោកឲ្យនិយាយពាក្យជំនួសមកវិញថាកូនអីអាក្រក់ម្លេះ ( ស្អាតល្អ) គួរឲ្យស្អប់ម្លះ (គួរឲ្យស្រឡាញ់)ទៅវិញ។

ជាចាស់ទុំដែលធ្លាប់ដឹងលឺរឿងនេះ លោកយាយ សាំង អឹម បានរៀបរាប់ថា បើនៅពេលដែលកូនដេក យើងមិនគួរថតរូបឲ្យគេឡើយ ព្រោះថា ការថតរូបនៅកូនដេកលក់វាអាចជាប្រផ្នូលអាក្រក់។ តែបើតាមសម័យវិទ្យាសាស្ត្រ ពេលដែលកូនក្រោកពីដេក ប្រសិនយើងចង់ថតរូបឲ្យគេ យើងមិនត្រូវបើក flash ឡើយ ព្រោះវាអាចចាំងត្រូវភ្នែកកូនងាយធ្វើឲ្យប៉ះពាល់ដល់ភ្នែកកូន។

រូបភាពបរទេស

លោកយាយបាននិយាយទៀតថា បើទារកដែលកើតមកមិនទាន់គ្រប់៤ខែ យើងមិនគួរនាំគេដើរលេងនៅពេលយប់ព្រលប់ឡើយ ព្រោះក្រោយពេលដែលត្រឡប់មកផ្ទះវិញ គេអាចមិនដេក ហើយយំរករឿង ដែលអាចធ្វើឲ្យអ្នកពិបាកលួងឲ្យដេក និងពិបាកមើលថែទាំខ្លាំងណាស់ ដោយសារតែពេលដើរនោះគេអាចមើលឃើញរបស់កង្វក់មិនល្អមួយចំនួន (ម្រេញគង្វាល ខ្មោច ព្រាយ ) ៕

អត្ថបទ៖ ហេង នាង (CCJ)

រូបភាព៖ បរទេស