ញាក់សាច់! សណ្ឋាគារនៅ Cardiff ឡើងថ្លៃ ៩១៥% សម្រាប់ Champions League
- 2017-05-17 02:41:13
- ចំនួនមតិ 0 | ចំនួនចែករំលែក 0
ញាក់សាច់! សណ្ឋាគារនៅ Cardiff ឡើងថ្លៃ ៩១៥% សម្រាប់ Champions League
ចន្លោះមិនឃើញ
តម្លៃបន្ទប់សណ្ឋាគារនៅទីក្រុង Cardiff បានឡើងថ្លៃរហូតដល់ ៩១៥% នៅការប្រកួត Champions League វគ្គផ្ដាច់ព្រ័ត្រ។
ទីក្រុងរបស់ប្រទេសវែលខាងលើនឹងធ្វើជាម្ចាស់ផ្ទះការប្រកួតវគ្គផ្ដាច់ព្រ័ត្រ Champions League រវាង Real Madrid និង Juventus នៅថ្ងៃសៅរ៍ ទី៣ ខែមិថុនា ពោលគឺនៅសល់រយៈពេលប្រមាណ ២សប្ដាហ៍កន្លះទៀតទើបមកដល់ ប៉ុន្តែមកទល់នឹងពេលនេះតម្លៃបន្ទប់តាមសណ្ឋាគារមានអត្រាកើនឡើងរហូត៩០% បាត់ទៅហើយ។
ថ្លៃបន្ទប់ជាមធ្យមនៅយប់ការប្រកួតវគ្គផ្ដាច់ព្រ័ត្រ គឺ ១០៣៦ផោនក្នុង១យប់ ដូច្នេះអ្នកគាំទ្រដែលធ្វើដំណើរទៅមើលការប្រកួតនៅទីនោះត្រូវចំណាយយ៉ាងហោចណាស់ក៏អស់ ២,០៧២ផោនដែរដោយសារត្រូវស្នាក់នៅ២យប់។ គួរបញ្ជាក់ថានៅថ្ងៃធម្មតាបន្ទប់សណ្ឋាគារនៅ Cardiff ជាមធ្យមថ្លៃត្រឹម ១០២ផោនប៉ុណ្ណោះក្នុងមួយយប់៕