លក់កម្រងផ្ការាប់ឆ្នាំ ព្រោះចង់ឃើញកូនប្រឡងជាប់ជាមន្ត្រីប៉ូលិស

2017-05-17 04:36:12
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលក់កម្រងផ្កាម្លិះមួយរូបនៅតាមសួនច្បារខាងមុខព្រះបរមរាជវាំង អ្នកស្រី វង់ ចាន់នី បានឲ្យដឹងថា អ្នកស្រីបានប្រកបអាជីពមួយនេះជាង១០ឆ្នាំហើយ។ ផ្កាម្លិះទាំងអស់នេះគឺអ្នកស្រីបានបេះមកពីចម្ការខ្លួនឯងផ្ទាល់ និង ទិញពីអ្នកជិតខាងមួយចំនួនផងដែរនៅឯកោះក្របី ខេត្តកណ្ដាល។ ដើម្បីឲ្យផ្កាទាំងនេះនៅស្រស់ស្អាត និង រក្សាក្លិនក្រអូបជាប់បានយូរ អ្នកស្រីបានក្លាសេវាឲ្យត្រជាក់ជានិច្ច តាំងពីពេលដឹកជញ្ជូន និង ពេលកំពុងក្រងលក់។

ស្ត្រីវ័យ៣៤ឆ្នាំរូបនេះបានបន្តថា អតិថិជនភាគច្រើនគឺអ្នកមកបន់ស្រន់នៅព្រះអង្គដងកើ ដោយក្នុងមួយសីលៗ អ្នកស្រីអាចលក់បានប្រមាណជាង២០០កម្រងផ្កាឯណោះ។ ចំនួននេះអាចឲ្យអ្នកស្រី ទទួលបានប្រាក់ចំណេញខ្ទង់ជិត១០ម៉ឺនរៀល។ ចំណែកថ្ងៃធម្មតាវិញគឺចំនួននៃការលក់មានតិចជាងនេះ ព្រោះអតិថិជនគ្រាន់តែទិញទុកដាក់ក្នុងឡានតែប៉ុណ្ណោះ។ មូលហេតុដែលអ្នកស្រីតស៊ូប្រកបមុខរបរនេះគឺដើម្បីជួយទំនុកបម្រុងជីវភាពគ្រួសារ និង ចង់ឲ្យកូនៗទាំងអស់បានរៀនចប់ចុង ចប់ដើម។ អ្វីដែលពិសេសជាងនេះទៅទៀតនោះ អ្នកស្រីចង់ឃើញកូនរបស់អ្នកស្រីបានប្រឡងជាប់ ក្លាយជាមន្ត្រីប៉ូលិសមួយរូបដែលល្អទៅថ្ងៃអនាគត ដើម្បីបម្រើជាតិមាតុភូមិ និង ប្រជាជនកម្ពុជាជាដើម។

ចង់ដឹងថា តើការតស៊ូរបស់អ្នកស្រីចាន់នីយ៉ាងម៉េចខ្លះ សូមទស្សនាវីដេអូសម្ភាសន៍ផ្ទាល់ខាងក្រោមនេះទាំងអស់គ្នា៖