ព្រឹត្តិការណ៍ពិភពលោកគួរឲ្យចាប់អារម្មណ៍ថ្ងៃនេះ

2017-05-17 05:00:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ព្រឹកក្រុមការងារសប្បាយ តែងតែនាំមកជូនកម្មវិធី The Front Page ដោយនិយាយអំពីព្រឹត្តិការណ៍ពិភពលោកខ្លះៗកំពុងកើតមាន និងកំពុងល្បីនៅលើបណ្ដាញសារព័ត៌មានអន្តរជាតិនានា។ ដូចសព្វមួយដង ព្រឹកនេះយើងបាននាំយករឿងរ៉ាវគួរឲ្យចាប់អារម្មណ៍ ៣ ជូនប្រិយមិត្តបានអាន និងបានទស្សនាវីដេអូខាងក្រោម។

១.កូរ៉េខាងត្បូង៖ ការអភិវឌ្ឍមីស៊ីលកូរ៉េខាងជើង ដំណើរការលឿនជាងការរំពឹងទុក

នេះបើតាមរដ្ឋមន្ត្រីការពារជាតិកូរ៉េខាងត្បូង លោក Han Min-koo បានបញ្ជាក់ប្រាប់សភាថា កាលពីថ្ងៃទី១៦ ឧសភា ម្សិលមិញ។ ការបញ្ជាក់ដូច្នេះ គឺក្រោយក្រុងព្យុងយ៉ាងបានបាញ់សាកល្បងមីស៊ីលបាលីស្ទីក កាលពីថ្ងៃទី១៤ ឧសភា ២០១៧ ហើយត្រូវបានប្រព័ន្ធការពារមីស៊ីលអាមេរិក ដែលបានដំឡើងនៅកូរ៉េខាងត្បូង ចាប់បាននូវការវិវត្តរបស់មីស៊ីលនោះ។

២.ដូណាល់ ត្រាំ ស្នើ FBI ឲ្យបញ្ឈប់ការស៊ើបអង្កេតលើអតីតទីប្រឹក្សាសន្តិសុខជាតិ

ប្រធានាធិបតីអាមេរិក បានស្នើប្រធានចារកម្ម FBI លោក James Comey ឲ្យបញ្ជាក់ការស៊ើបអង្កេតអតីតទីប្រឹក្សាសន្ដិជាតិរបស់សេតវិមាន លោក Michael Flynn និងរុស្ស៊ី។ នេះបើតាមកំណត់ត្រារបស់លោក James Comey អំឡុងជួបពិភាក្សាជាមួយលោក ដូណាល់ ត្រាំ ក្រោយការបណ្ដេញលោក Michael Flynn ចេញពីតំណែងកាលពីថ្ងៃទី១៤ កុម្ភៈ ២០១៧។ ប៉ុន្តែខាងសេតវិមាន បានបដិសេធចំពោះព័ត៌មាននេះ។

រូបភាពផ្ដល់សិទ្ធិដោយ Reuter

៣.អង្គការសហប្រជាជាតិព្រមានដាក់ទណ្ឌកម្មកូរ៉េខាងជើងបន្ថែមទៀត

ក្រុមប្រឹក្សាសន្ដិសុខអង្គការសហប្រជាជាតិ កាលពីថ្ងៃទី១៥ ឧសភា ម្សិលមិញ បានថ្កោលទោសការបាញ់សាកល្បងមីស៊ីលបាលីស្ទីករបស់កូរ៉េខាងជើង រួមទាំងព្រមានថា នឹងដាក់ទណ្ឌកម្មបន្ថែមទៀតលើសកម្មភាពបង្កជម្លោះរបស់កូរ៉េខាងជើង។ សមាជិកក្រុមប្រឹក្សាសន្តិសុខទាំង ១៥ប្រទេស បានជំរុញឲ្យក្រុងព្យុងយ៉ាង បង្ហាញការតាំងចិត្តក្នុងការបញ្ឈប់ការអភិវឌ្ឍកម្មវិធីនុយក្លេអ៊ែរ។

ការព្រមានដាក់ទណ្ឌកម្មថ្មីនេះ គឺបន្ទាប់ពីកូរ៉េខាងជើងបានបាញ់សាកល្បងមីស៊ីលថ្មីចុងក្រោយមួយគ្រាប់ទៀតកាលពីព្រលឹមថ្ងៃអាទិត្យទី ១៤ឧសភាកន្លងទៅដោយហោះជាង ៧០០គីឡូម៉ែត្ររួចធ្លាក់នៅសមុទ្រជប៉ុន។

ចំពោះសេចក្ដីសម្រេចទណ្ឌកម្មថ្មីគេមិនទាន់ដឹងច្បាស់នៅឡើយ ប៉ុន្តែគេអាចសន្និដ្ឋានថា ក្នុងចំណោមទណ្ឌកម្មទាំងឡាយដែលនឹងត្រូវដាក់មានដូចជា ការទប់ស្កាត់ការធ្វើពាណិជ្ជកម្មធ្យូងថ្ម ប្រេងរវាងចិន និងកូរ៉េខាងជើង មានន័យថាចិនអាចនឹងឈប់ទទួលទិញធ្យូងថ្ម ឬប្រេង និងផលិតផលផ្សេងៗទៀតរបស់កូរ៉េខាងជើង។ សូមទស្សនាលម្អិតខាងក្រោម៖

អត្ថបទ៖ ឡេង ភារុណ

ពាក្យទាក់ទង

ព័ត៌មានសង្គមអន្តរជាតិ The Front Page

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024