ម៉ាស៊ីនត្រជាក់ ទាល់តែស៊ីភ្លើង ទើបត្រជាក់មែន?

2017-05-18 02:18:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគច្រើនប្រហែលជាគិតថា ការប្រើម៉ាស៊ីនត្រជាក់ត្រូវចំណាយថ្លៃភ្លើងច្រើន ហើយបើចង់ឲ្យបន្ទប់ឆាប់ត្រជាក់ រឹតតែត្រូវស៊ីភ្លើងដូចហុតទឹកអ៊ីចឹង។

ការយល់ឃើញបែបនេះ គឺត្រូវម៉ាច់ម៉ង តែត្រូវសម្រាប់កាលពីមុនប៉ុណ្ណោះ ព្រោះអីបច្ចុប្បន្នមានបច្ចេកវិទ្យា Inverter ជួយដល់ការស៊ីភ្លើងរបស់ម៉ាស៊ីនត្រជាក់ដែលចេញតាំងពីឆ្នាំ ២០១៣ មក។ បន្ទាប់មក មានការ Update ថ្មីរហូតដល់ឥឡូវ Samsung បានបញ្ចេញបច្ចេកវិទ្យាថ្មី ២០១៧ គឺ 8 Pole Digital Inverter ដែលសន្សំសំចៃ ៦៨% បើធៀបនឹងស៊េរី ២០១៦។ នេះបើតាមការឲ្យដឹងរបស់លោក សាន ប៊ុនថន អ្នកបណ្ដុះបណ្ដាលម៉ាស៊ីនត្រជាក់ Samsung។

លោកបន្តថា 8 Pole Digital Inverter របស់ Samsung នេះ មិនត្រឹមតែស៊ីភ្លើងតិចទេ ថែមទាំងត្រជាក់ពេញបន្ទប់ត្រឹមតែ ១៨ នាទី ដែលម៉ាស៊ីនត្រជាក់កាលពីមុនចំណាយពេលដល់ទៅកន្លះម៉ោង ហើយមានសំណាញ់ញឹក និងធន់សម្រាប់ការពារមេរោគ ដី ដែលយើងមិនអាចមើលឃើញដោយភ្នែកធម្មតាបាន។

ទាក់ទិននឹងបច្ចេកវិទ្យាថ្មីនេះដែរ អ្នកស្រី ដេត លីដា អ្នកប្រើម៉ាស៊ីនត្រជាក់ស៊េរីថ្មីនេះ ប្រាប់ថា៖ "តាំងពីប្ដូរមកប្រើ Samsung ស៊េរីថ្មីនេះមក ឃើញថាវាខុសពីមុនមែន ព្រោះភ្លើងស៊ីតិចជាងមុនច្រើន ហើយត្រជាក់ក៏លឿនជាងមុនដែរ។ មួយទៀត ម៉ូដែល Virus Doctor របស់ខ្ញុំនេះ អាចកម្ចាត់មេរោគបានទៀត ចឹងវាត្រូវនឹងផ្ទះខ្ញុំដែលមានកូនតូចៗ"។

សម្អាងលើចំណុចពិសេសទាំងនេះហើយ ដែលអាចឆ្លើយថា មិនចាំបាច់ទាល់តែចំណាយថ្លៃភ្លើងច្រើនទើបធ្វើឲ្យបន្ទប់ត្រជាក់នោះទេ ព្រោះបច្ចេកវិទ្យា 8 Pole Digital Inverter នេះ ជួយសម្រួលច្រើនដល់ការចំណាយ ត្រជាក់ក៏លឿនជាងធម្មតា ហើយអាចសម្លាប់មេរោគបានទៀត។ ភ្លេចរំលឹក បើបន្ទប់ធំ តែម៉ាស៊ីនត្រជាក់អ្នកមានកម្លាំងសេះតិច ក៏នៅតែមិនអាចត្រជាក់បានល្អដែរ ចឹងត្រូវរើសកម្លាំងសេះឲ្យសមនឹងទំហំបន្ទប់៕