អ្វីទៅជា Cyberspace? ចង់ដឹងកុំភ្លេចចូលរួមសិក្ខាសាលាស្អែកនេះនៅ CJCC

2017-05-18 02:57:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែភាពជឿនលឿនឥតឈប់ឈរនៃបច្ចេកវិទ្យា និងជាពិសេស ការប្រើប្រាស់យ៉ាងសំបូរបែប របស់ប្រព័ន្ធអ៊ីនធឺណិតធ្វើឲ្យសាយប៊ើស្ប៉េស (Cyberspaceា) ក្លាយជាប្រធានបទមួយ ដែលមានសារៈសំខាន់ និងមានអត្ថន័យទូលំទូលាយ។

ជាទូទៅ សាយប៊ើស្ប៉េស (Cyberspace) គឺជាការប្រើប្រាស់ បណ្តាញកុំព្យូរទ័រ និងមធ្យោបាយទំនាក់ទំនងផ្សេងៗដូចជានៅលើទូរស័ព្ទ ដែលមានការតភ្ជាប់គ្នាដោយប្រព័ន្ធអ៊ិនធឺណេត និងឌីជីថល។ សាយប៊ើស្ប៉េស (Cyberspace) ផ្តល់អត្ថប្រយោជន៍ជាច្រើនសម្រាប់អ្នកប្រើប្រាស់ដូចជា ការកម្សាន្ត និងការចែករំលែកជាចំណេះ ដឹងអំពីបញ្ហាសង្គម ការផ្សព្វផ្សាយព័ត៌មានទៅដល់យុវជនអំពី ឱកាសការងារ និងការសិក្សា ការផ្សព្វផ្សាយផលិតផលនិងពង្រីកអាជីវកម្ម និងជាកន្លែងផ្ទុកទិន្នន័យ និងឯកសារយ៉ាងសម្បូរបែបសម្រាប់បុគ្គល គ្រឹះស្ថានឯកជន និងរដ្ឋ។ ប៉ុន្តែទន្ទឹមគ្នានោះ ការប្រើប្រាស់សាយប៊ើស្ប៉េស (Cyberspace) ក៏ជួបប្រទះនឹងបញ្ហាប្រឈមមួយចំនួនដូចជា ការរំលោភបំពាន និងការប្រើប្រាស់សាយប៊ើស្ប៉េស (Cyberspace) មិនត្រឹមត្រូវពីសំណាក់បុគ្គល ឬក្រុមដែលប្រើប្រាស់អ៊ិនធឺណេត ឧក្រិដ្ឋកម្ម ភេរវកម្ម ព័ត៌មានមិនពិត និងបញ្ហាផ្សេងៗដែលទាក់ទងនឹងសន្តិសុខ។

ដោយសង្កេតឃើញពីអត្ថប្រយោជន៍ ក៏ដូចជាបញ្ហាប្រឈមរបស់ សាយប៊ើស្ប៉េស (Cyberspace) មជ្ឈមណ្ឌលអភិវឌ្ឍន៍កម្ពុជានឹងរៀបចំសិក្ខាសាលាមួយក្រោមប្រធានបទ “ការសិក្សាស្វែងយល់ អំពីគំរូអភិបាលកិច្ចសាយប៊ើស្ប៉េស ដែលឆ្លើយតបទៅនឹងតម្រូវការនិងគោលដៅអភិវឌ្ឍន៍ ក្នុងប្រទេសកម្ពុជា-វិធីសាស្រ្តពហុទស្សនៈវិស័យ”។

សិក្ខាសាលានេះនឹងប្រព្រឹត្តឡើងនៅថ្ងៃទី ១៩ ខែឧសភា ឆ្នាំ២០១៧ នៅឯមជ្ឈមណ្ឌលសហប្រតិបត្តិការ កម្ពុជា-ជប៉ុន (CJCC)។ សិក្ខាសាលានេះមានគោលបំណងលើកកម្ពស់ការយល់ដឹងក្នុងចំណោមសិស្ស និស្សិត និងសាធារណៈជន ដែលប្រើប្រាស់សាយប៊ើស្ប៉េស (Cyberspace) អំពីផលប្រយោជន៍ បញ្ហាប្រឈម សិទ្ធិ និងទំនួលខុសត្រូវចំពោះមុខច្បាប់ក្នុងការប្រើប្រាស់ប្រព័ន្ធអ៊ិនធឺណេត ក៏ដូចជាការស្វែងរកគំនិត និងគំរូអភិបាលកិច្ចសាយប៊ើស្ប៉េស (Cyberspace) មួយដ៏សមស្របដែលអាចធ្វើអោយអ្នកប្រើប្រាស់ និងគ្រប់ភាគីពាក់ព័ន្ធទាំងអស់ទទួលបានអត្ថប្រយោជន៍អតិបរមាពីការប្រើប្រាស់សាយប៊ើស្ប៉េស (Cyberspace) ដែលព្រមជាមួយគ្នានោះ អាចជៀសវាងការប៉ះពាល់ដល់គោលដៅអភិវឌ្ឍន៍ជាតិរបស់កម្ពុជា។

មជ្ឈមណ្ឌលអភិវឌ្ឍន៍កម្ពុជាបានអញ្ជើញវាគ្មិនល្បីៗ និងមានបទពិសោធន៍ខ្ពស់ចំនួន ៧រូប ដែលមានដូចជា៖

១. លោក ពុយ គា ជាអ្នកឆ្លើយឆ្លងសារព័ត៌មាន ក្យូដូជប៉ុន

២. លោក ឧកញ្ញ៉ា ជី សិលា ជាអគ្គនាយកក្រុមហ៊ុនសប្បាយ ៣. លោក Steven Path ជាអគ្គនាយកក្រុមហ៊ុន Pathmazing និងជាប្រធានសហព័ន្ធព័ត៌មានវិទ្យា និងទូរគមនាគមន៍

៤. ឯកឧត្តម ផុស សុវណ្ណ ជាអគ្គនាយកនៃអគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន

៥. លោក អ៊ូ ផាន់ណារិទ្ធ ជាប្រធាននាយកដ្ឋាន បច្ចេកវិទ្យាគមនាគមន៍ និងព័ត៌មាន នៃក្រសួងប្រៃសណីយ៍ និងទូរគមនាគន៍

៦. លោក ងួន សុភ័ក្រ្ត ជាសមាជិកសមាគមពាណិជ្ជករវ័យក្មេង និងជានាយកគ្រប់គ្រង SSPD គ្រុប ៧. លោក ស្រ៊ាង បូរមី ជានាយកគ្រប់គ្រងវីឌូស៊ែរ

លោកវាគ្មិនទាំង៧រូបនឹងមកផ្តល់ជាចំណេះដឹង និងចែករំលែកបទពិសោធន៍របស់ពួកគាត់ទាក់ទងនឹង សាយប៊ើស្ប៉េស (Cyberspace) ទៅដល់អ្នកចូលរួម។

មជ្ឈមណ្ឌលអភិវឌ្ឍន៍កម្ពុជាគឺជាអង្គការមិនមែនរដ្ឋាភិបាល និងជាស្ថាប័នឯករាជ្យមិនរកប្រាក់ចំណូលមួយ ដែលមានបំណងជួយដល់ការសម្រេចអោយបាននូវគោលដៅអភិវឌ្ឍន៍ជាតិ នៃព្រះរាជាណាចក្រកម្ពុជា។ មជ្ឈមណ្ឌលអភិវឌ្ឍន៍កម្ពុជានឹងប្រមូលផ្តុំធនធាន និងគ្រប់ភាគីពាក់ព័ន្ធដើម្បីរួមចំណែកដល់ការអភិវឌ្ឍន៍ជាតិតាមរយៈ ការរៀបចំការស្រាវជ្រាវ និងគម្រោង ការផ្តល់ជាកម្មវិធី និងវេទិកាសំរាប់កិច្ចសន្ទនាគោលនយោបាយ ការបណ្តុះបណ្តាលជំនាញ ការបង្កើតនិងផ្សព្វផ្សាយចំណេះដឹង និងគុណតម្លៃ៕

អត្ថបទ៖ ដៃគូសហការ

ពាក្យទាក់ទង

ដៃគូសហការ

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ហេតុផលធំមួយលោក RICKY Sun ឈប់ពីអាជីពចម្រៀងមកធ្វើគ្រូគុនខ្មែរ

អត្ថបទថ្មី

មកស្គាល់ប្រព័ន្ធសុវត្ថិភាពចំនួន ១០ ដែលបំពាក់លើរថយន្តបច្ចុប្បន្ន

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?