Real នឹងចំណាយ១លានអឺរ៉ូ ឲ្យ Malaga បើឈ្នះថ្ងៃអាទិត្យនេះ

2017-05-19 01:43:11
ចំនួនមតិ 0 | ចំនួនចែករំលែក 0

ចន្លោះមិនឃើញ

Malaga នឹងបាន១លានអឺរ៉ូពី Real Madrid បើសិនជា Real ឈ្នះ La Liga នៅរដូវកាលនេះ។

លោក Zidane និងប្រធានក្លឹប

ក្រុមទាំងពីរនឹងត្រូវប៉ះគ្នានៅប្រកួតចុងក្រោយពាន La Liga នៅទឹកដី Malaga ហើយ Real Madrid ត្រូវការឈ្នះ ឬត្រឹមស្មើប៉ុណ្ណោះដើម្បីលើកពានលីគលើកដំបូងក្នុងរយៈពេល ៥ឆ្នាំចុងក្រោយ។

យ៉ាងណាក៏ដោយមូលហេតុដែល Real ត្រូវចំណាយ១លានអឺរ៉ូឲ្យ Malaga មិនមែនជាការសូកប៉ាន់អ្វីទេ គឺយោងទៅលើលក្ខខណ្ឌទិញ Isco កាលពីឆ្នាំ២០១៣ ក្នុងតម្លៃ២៧លានអឺរ៉ូ។ ក្រុមរបស់លោក Zidane បានព្រមព្រៀងបន្ថែមប្រាក់ ១លានអឺរ៉ូ ក្នុងករណីដែល Isco អាចឈ្នះលីគជាមួយក្លឹបក្នុងអំឡុងពេល៥ឆ្នាំ។

ចាប់តាំងពី Isco មកកាន់ទឹកដី Santiago Bernabeu រូបគេបានឈ្នះ Champions League ២ដង តែមិនទាន់បានឈ្នះពានលីគទេ មានន័យថា Real Madrid នៅមិនទាន់បានចំណាយតម្លៃបន្ថែមឲ្យ Malaga នៅឡើយ៕