ផ្សារទំនើបខ្នាតអន្តរជាតិថ្មីមួយ នឹងបើកដំណើរការ នៅខែក្រោយនេះ

2017-05-19 02:48:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ការផ្គត់ផ្គង់ផ្សារទំនើបមិនទាន់ឆ្អែតនៅលើទីផ្សារនោះទេ ជាក់ស្ដែងផ្សារទំនើបស្តង់ដារអន្តរជាតិថ្មីមួយទៀតនឹងត្រូវបើកដំណើរការនៅទីក្រុងភ្នំពេញ ក្នុងខែមិថុនាខាងមុខនេះ។

អ្នកនាងអាន សុធីតា នាយិកាក្រុមហ៊ុន CBRE Cambodia បានថ្លែងឲ្យដឹងតាមទូរសព្ទនាព្រឹកថ្ងៃទី ១៨ ឧសភានេះថា ផ្សារទំនើបស្ថិតក្នុងអាគារExchange Square ទំហំ៨.០០០ម៉ែត្រការ៉េ ដែលមានទីតាំងស្ថិតនៅក្រោយស្ថានទូតអាមេរិកនឹងបើកដំណើរការនៅ ខែមិថុនា ខាងមុខនេះ។ ផ្សារទំនើបនេះមានកម្ពស់ ៤ជាន់ ចាប់ផ្ដើមពីជាន់ផ្ទាល់ដី ដល់ជាន់ទី៣ និងជាន់ទី៤ នឹងប្រើប្រាស់ជាក្លឹបហាត់ប្រាណ ហើយចាប់ពីជាន់ទី៥ ដល់ជាន់ទី ២០ នឹងប្រើប្រាស់អាគារការិយាល័យ។

អ្នកនាងបន្តថា “រហូតមកដល់ពេលនេះផ្សារទំនើបនេះ ទទួលបានការជួលជាង៦០ភាគរយហើយ នៃផ្ទៃក្រឡាសរុប។ ផ្សារទំនើបនេះនឹងមានលក់សំលៀកបំពាក់ល្បីៗ ដែលនាំចូលពីបរទេស អាហារ ភេសជ្ជៈ និងមណ្ឌលកម្សាន្ត ដែលរួមបញ្ចូលរោងភាពយន្តផងដែរ។

សូមចុចអាន៖ វិធីសាស្ត្រចាយលុយ ពេលសល់តែ ៥០ដុល្លារ ត្រឹមពាក់កណ្ដាលខែ

គម្រោង Exchange Square ត្រូវបានវិនិយោគដោយក្រុមហ៊ុន Hongkong Land ជាក្រុមហ៊ុនដែលមានភាពជោគជ័យក្នុងការវិនិយោគ លើវិស័យអចលនទ្រព្យជោគជ័យលំដាប់ពិភពលោក។

អ្នកនាងអាន សុធីតាបានបន្តថា ផ្សារទំនើបនេះនឹងទទួលបានជោគជ័យ ដោយសារបច្ចុប្បន្ននេះ និន្នាការដើរផ្សាររបស់ប្រជាពលរដ្ឋខ្មែរបានផ្លាស់ប្ដូរពីការដើរផ្សារតាមបែបប្រពៃណី មកកាន់ផ្សារទំនើប និងផ្សារដែលមានស្តង់ដារអន្តរជាតិ។

សូមចុចអាន៖ អបអរសាទរ! ចាប់ពីថ្ងៃនេះទៅ កម្មករកម្មការិនី នឹងទទួលបានសេវាធានារ៉ាប់រងលើសុខភាព

យោងតាមលទ្ឋផលបឋមនៃការសិក្សារបស់ ក្រុមហ៊ុន ប៊ុណ្ណា ដែលបានបញ្ចប់កាលពីពេលថ្មីៗនេះបានរកឃើញថា តម្រូវការប្រើប្រាស់ផ្សារទំនើបបានកើនឡើងពី ៧៩ភាគរយ កាលពីត្រីមាសទី១ឆ្នាំមុន ដល់៨២ភាគរយនៅដំណាច់ត្រីមាសទី១ឆ្នាំនេះ ផ្ទុយទៅវិញទំហំផ្សារទំនើប ដែលនៅសល់បានកើនឡើងពី ២១ ដល់ ២៦ ភាគរយ ក្នុងរយៈពេលដូចគ្នានេះ ដោយសារការផ្គត់ផ្គង់កើនឡើង៕

ប្រភព៖ raksmeinews