វីវរហើយត្រាំ! ធ្លាយរឿងទាក់ទងរុស្ស៊ី ១៨ដងឲ្យជួយមុនបោះឆ្នោត
- 2017-05-19 04:35:14
- ចំនួនមតិ 0 | ចំនួនចែករំលែក 0
វីវរហើយត្រាំ! ធ្លាយរឿងទាក់ទងរុស្ស៊ី ១៨ដងឲ្យជួយមុនបោះឆ្នោត
ចន្លោះមិនឃើញ
នៅថ្ងៃនេះ The Front Page បានលើកយករឿងរ៉ាវចំនួន ៤ មកជំរាមជូនប្រិយមិត្តអ្នកអាន អ្នកស្ដាប់បានដឹង ដែលសុទ្ធសឹងតែជាព្រឹត្តិការណ៍ពិភពលោកក្ដៅៗគួរឲ្យចាប់អារម្មណ៍មានដូចជា៖
១. ឥណ្ឌាប្រកាសសាងសង់រោងចក្ររ៉េអាក់ទ័រនុយក្លេអ៊ែរ ១០បន្ថែម
កាលពីថ្ងៃពុធ ឥណ្ឌាប្រកាសបង្កើតរោងចក្ររ៉េអាក់ទ័រនុយក្លេអ៊ែរចំនួន ១០បន្ថែមទៀតដោយបូកចូលគ្នាបានថាមពលប្រមាណ ៧០០០មេហ្កាវ៉ាត់ ដែលជាការជួយជ្រោមជ្រែងពីប្រទេសរុស្ស៊ី។ គម្រោងនេះនឹងដាក់ឲ្យដំណើរការនៅឆ្នាំ ២០២២ និងអាចបង្កើតការងារបានប្រមាណ ៣៣០០០កន្លែង។
២. អ្នកទោសកុងហ្គោហែកគុករត់ចេញជាង ៣០០០នាក់
អ្នកទោសនៅសាធារណរដ្ឋកុងហ្គោ បានហែកគុករត់គេចអស់ប្រមាណ ៣០០០នាក់ ក្រោយមានខ្មាន់កាំភ្លើងមួយក្រុមបាញ់រះលើមន្ត្រីពន្ធនាគារចូលរំដោះ និងបណ្ដាលឲ្យមានមនុស្សស្លាប់ហ្នឹងកន្លែងប្រមាណ ១០នាក់។ ក្នុងនោះក៏មានមនុស្សគួរឲ្យគ្រោះថ្នាក់បំផុតម្នាក់ដែរ។
៣. គ្រោះថ្នាក់ចរាចរណ៍បុករះរបួសជាង ២០នាក់នៅអាមេរិក សង្ស័យភេរវកម្ម
កាលពីម្សិលមិញអ្នកបើកបររថយន្តមួយគ្រឿង អាយុ ២៦ឆ្នាំ បានបើកបំបុកអ្នកដំណើរនៅ Times Square ទីក្រុងញួវយ៉ក បណ្ដាលឲ្យរបួសជាង ២០នាក់ និងស្លាប់ម្នាក់ ដោយសង្ស័យជាអំពើភេរវកម្ម។ ប៉ុន្តែក្រោយមកប៉ូលិសបានស៊ើបអង្កេតចុះពិនិត្យភ្លាមៗ ទើបរកឃើញថា អ្នកបើកបរជាមនុស្សញៀនថ្នាំខ្លាំង មិនអាចគ្រប់គ្រងអារម្មណ៍បានពេលបើកបរ។
៤. វីវរហើយត្រាំ! ធ្លាយរឿងទាក់ទងរុស្ស៊ី ១៨ដងមុនបោះឆ្នោត
អតីតមន្ត្រីខាងស៊ើបអង្កេតសុំមិនបញ្ចេញអត្តសញ្ញាណម្នាក់ បានបញ្ជាក់ប្រាប់សារព័ត៌មាន Reuters ថា មនុស្សរបស់ដូណាល់ត្រាំ បានទាក់ទងប្រទេសរុស្ស៊ីចំនួន ១៨លើក ដើម្បីធ្វើយ៉ាងណាជួយឲ្យលោក ដូណាល់ ត្រាំ ឈ្នះការបោះឆ្នោតជាប្រធានាធិបតីអាមេរិកទី ៤៥។ ការទាក់ទងទាំង ១៨លើកនេះ គឺនៅមុនរដូវឃោសនាបោះឆ្នោតចាប់តាំងពីខែមេសា ដល់ខែវិច្ឆិកា ឆ្នាំ ២០១៦។ ចង់ដឹងថា ទាក់ទងរឿងឲ្យជួយអ្វីខ្លះ សូមទស្សនាវីដេអូលម្អិតខាងក្រោម៖