លេងសើចម៉េចបាន តារាចម្រៀង មាស សារិទ្ធ ត្រៀមចេញកើបប្រាក់ទៀតហើយ!

2017-05-20 02:40:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង មាស សារិទ្ធ បានបង្ហើបឲ្យដឹងថា នៅដើមខែ មិថុនា ឆ្នាំ ២០១៧ខាងមុខនេះ ខ្លួននឹងចេញទៅច្រៀងនៅប្រទេសកាណាដា ដោយការចេញទៅលើកនេះ គឺជាលើកទី២ហើយក្នុងប្រទេសមួយនេះ។

លោកបានប្រាប់ថា មានតែលោកម្នាក់គត់ត្រូវបានម្ចាស់ Sponsor ធានាទៅច្រៀង ហើយពេលវេលានៃការច្រៀងនោះ មានចំនួន៣ខែ។ បច្ចុប្បន្នរាល់បែបឯកសារត្រូវបានស្ថានទូត យល់ព្រមរួចហើយនៅតែចាំតែដល់ថ្ងៃចេញដំណើរប៉ុណ្ណោះ។

មូលហេតុដែលនាំឲ្យ លោក មាស សារិទ្ធ មានឱកាសបានចេញទៅច្រៀងនៅក្រៅប្រទេសម្ដងហើយម្ដងទៀតបែបនេះ ត្រូវតារាចម្រៀងបានលើកបញ្ជាក់ប្រាប់ថា មកពីម្ចាស់ Sponsor ពេញចិត្ត ព្រោះលោកអាចច្រៀងបទចម្រៀងប្រជាប្រិយច្រើន ធ្វើឲ្យបងប្អូនខ្មែរនៅទីនោះពេញចិត្ត។ "បងប្អូនខ្មែរយើងនៅទីនោះ គាត់ចូលចិត្តបទពីដើមៗ រាំលេង ដូចជារាំវង់ ឆាតឆាតឆា ញាក់អីហ្នឹង ចឹងបទទាំងហ្នឹងត្រូវជំនាញខ្ញុំហើយ ចឹងបានគេចេះតែចង់បានខ្ញុំទៅហ្នឹង"។ កូនប្រុស លោក មាស សារ៉ាន់ ថ្លែង។

ខុសពីតារាចម្រៀងផ្សេងទៀតដែលត្រូវការហាត់សមមុនចេញទៅច្រៀង ប៉ុន្តែសម្រាប់តារាចម្រៀង មាស សារិទ្ធ មិនចាំបាច់ហាត់សមអ្វីឡើយ ។ ដោយលោកលើកឡើងថា ខ្លួនឆ្អិននឹងបទចម្រៀងទាំងអស់ហើយ ត្បិតអីរាលថ្ងៃនេះ លោកចេញច្រៀងស្ទើរគ្មានសម្រាកនៅ តាមរោងការក៏ដូចជាឡើងច្រៀងនៅតាមការប្រគំតន្ត្រីផ្សេងៗ។

នេះជាប្រទេសទ៣ហើយដែល លោកមាស សារិទ្ធ ធ្លាប់ចេញទៅច្រៀង ក្នុងអាជីពសិល្បៈរបស់លោក។ កន្លងមក តារាចម្រៀងរូបនេះ ធ្លាប់ទៅច្រៀងនៅប្រទេសបារាំងចំនួន៧លើក ប្រទេសអូស្ត្រាលីចំនួន១លើក និង ប្រទេស កាណាដា២លើក ៕

អត្ថបទ៖ ស៊ុនហួត