Android O អាចផ្អាកការបន្ទាន់សម័យ (System Update) និងបន្តនៅពេលក្រោយ

2017-05-22 02:03:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តដែលប្រើប្រាស់ប្រព័ន្ធប្រតិបត្តិការ Android ប្រាកដជាដឹងហើយថានៅពេលដែលវាមានការបន្ទាន់សម័យអ្វីថ្មី គឺនឹងផ្ដល់ការជូនដំណឹង។ ប៉ុន្តែអ្វីដែលអ្នកគួរដឹងមុននឹងធ្វើការបន្ទាន់សម័យនោះគឺស្មាតហ្វូនរបស់អ្នកត្រូវតែភ្ជាប់ទៅប្រព័ន្ធ Wi-Fi និងប្រាកដថាថ្មរបស់អ្នកសាកបានពេញ មុនពេលចាប់ផ្ដើមធ្វើការបន្ទាន់សម័យទូរសព្ទរបស់អ្នក។

ប៉ុន្តែសម្រាប់ប្រព័ន្ធប្រតិបត្តិការ Android O ជំនាន់ចុងក្រោយនេះមានលក្ខណៈពិសេស មានប្រយោជន៍មួយដែលអនុញ្ញាតឲ្យអ្នកផ្អាកការបន្ទាន់សម័យប្រព័ន្ធពេលមិនទាន់គ្រប់ ហើយបន្តនៅពេលក្រោយ។

លក្ខណៈពិសេសនេះអ្នកអាចប្រើក្នុងករណីទូរសព្ទរបស់អ្នកកំពុងតែអស់ថ្ម ឬដាច់អ៊ីនធឺណិតហើយត្រូវការភ្ជាប់ទៅកាន់ Wi-Fi មួយផ្សេងទៀត។ លក្ខណៈពិសេសនេះគឺអាចប្រើបានដោយមិនគិតថាការបន្ទាន់សម័យមានទំហំធំ ឬតូចឡើយ៕