មូលហេតុ Navas ជួយ Real Madrid ឈ្នះពាន តែបែរជាកោរសក់ទៅវិញ
- 2017-05-22 02:24:28
- ចំនួនមតិ 0 | ចំនួនចែករំលែក 0
មូលហេតុ Navas ជួយ Real Madrid ឈ្នះពាន តែបែរជាកោរសក់ទៅវិញ
ចន្លោះមិនឃើញ
អ្នកចាំទី Keylor Navas បានសម្រេចចិត្តកោរសក់របស់ខ្លួន បន្ទាប់ពីជួយក្រុម Real Madrid លើកពាន La Liga កាលពីយប់មិញ ក្រោយពីខកខានអស់ប៉ុន្មានឆ្នាំមកនេះ។
ចំពោះមូលហេតុនៃការកោរសក់នេះ សាមីខ្លួនបានប្រាប់ថាដើម្បីជាការចូលរួមគាំទ្រដល់គ្រួសារកុមារដែលកំពុងតែកើតជំងឺមហារីកនៅមន្ទីរពេទ្យ។ Navas បានបង្ហាញសារយ៉ាងខ្លីថា៖ “ខ្ញុំបូងសួងដល់ព្រះជាម្ចាស់សម្រាប់ពួកគាត់ ដែលកំពុងតែសម្រាកព្យាបាលជំងឺ។ សម្រាប់ក្មេងៗដែលកំពុងតែសម្រាកព្យាបាលជំងឺមហារីករបស់ពួកគេ សម្រាប់គ្រួសាររបស់ពួកគេ។ ពានរង្វាន់នេះ គឺសម្រាប់ពួកគេហើយ”។
Real Madrid បានឈ្នះពានរង្វាន់ La Liga លើកទី៣៣របស់ខ្លួនកាលពីយប់មិញ ក្រោយពីយកឈ្នះក្រុម Malaga ក្នុងលទ្ធផល ២-០ ។ ខណៈដែលក្រុមមួយនេះនៅសល់ពានរង្វាន់ធំមួយទៀតត្រូវប្រកួតប្រជែងគឺ UEFA Champions League ដែលនឹងត្រូវប្រកួតនៅថ្ងៃទី ៤ខែក្រោយនេះ៕