ទិវាម៉ារ៉ាតុងអន្តរជាតិលើកទី៧ រត់ដើម្បីសប្បុរសធម៌នៅភ្នំពេញ
- 2017-05-22 06:20:15
- ចំនួនមតិ 0 | ចំនួនចែករំលែក 0
ទិវាម៉ារ៉ាតុងអន្តរជាតិលើកទី៧ រត់ដើម្បីសប្បុរសធម៌នៅភ្នំពេញ
ចន្លោះមិនឃើញ
នេះជាលើកទី៧ហើយសម្រាប់កម្មវិធីរត់ប្រណាំងពាក់កណ្ដាលម៉ារ៉ាតុងអន្តរជាតិ ដែលកម្មវិធីនេះប្រារព្ធឡើងដើម្បីសប្បុរសធម៌មន្ទីរពេទ្យគន្ធបុប្ផា ទីក្រុងស្អាតបៃតង និងភ្នំពេញជាគោលដៅទេសចរណ៍ដ៏ទាក់ទាញ។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកបានឲ្យដឹងកាលពីព្រឹកមិញនេះថា ការប្រារព្ធឲ្យមានកម្មវិធីរត់ប្រណាំងពាក់កណ្ដាលម៉ារ៉ាងនេះឡើង ដើម្បីសប្បុរសធម៌ ហើយថវិកាដែលបានមកពីការចុះឈ្មោះនឹងយកទៅបរិច្ចាគទៅមន្ទីរពេទ្យគន្ធបុប្ផានិងចង់បង្កើនឲ្យមានការចាប់អារម្មណ៍ពីអ្នករត់ប្រណាំងជាតិនិងអន្តរជាតិបន្ថែមទៀត។
ឯកឧត្ដម បន្តឲ្យដឹងទៀតថា គណៈកម្មាធិការជាតិអូឡាំពិកជំរុញឲ្យមានព្រឹត្តិការណ៍ធំៗដូចនេះ ជាពិសេសប៉ុន្មានឆ្នាំខាងមុខនេះគឺនៅទីក្រុមភ្នំពេញតែម្ដង ដើម្បីចង់ឲ្យកម្មវិធីម៉ារ៉ាតុងមួយនេះមានភាពល្បីល្បាញដូចកម្មវិធីរត់ប្រណាំងនៅ ញ៉ូយក់ម៉ារ៉ាតុង តូក្យូម៉ារ៉ាតុង ប៉ារីសម៉ារ៉ាតុង ហុងកុងម៉ារ៉ាងតុងជាដើម។ ប្រទេសទាំងនេះធ្វើព្រឹត្តិការណ៍នេះឡើងនៅក្នុងទីក្រុមធំៗរបស់គេតែម្ដងគឺដើម្បីឲ្យមានភាពទាក់ទាញពីបណ្ដាភ្ញៀវទេសចរក៏ដូចជាអ្នកជំនាញរត់ប្រណាំងលើពិភពលោក។
កម្មវិធីរត់ប្រណាំងពាក់កណ្ដាលម៉ារ៉ាតុងនេះមាន៣វិញ្ញាសា ទី១ រត់ ៣គីឡូម៉ែត្រ ទី២ រត់ ១០គីឡូម៉ែត្រ និងទី៣ រត់ ២១គីឡូម៉ែត្រ។ បើគិតមកពេលនេះមានអ្នកចុះឈ្មោះតាមអនឡាញជិត ២០០នាក់(បរទេស)មកពី២៦ប្រទេសផ្សេងគ្នា ខណៈកីឡាករ កីឡាការិនីកម្ពុជាចុះឈ្មោះប្រហែល២០០-៣០០នាក់ដែរហើយ៕