ការសិក្សាថ្មី៖ Instagram និង Snapchat ជះផលប៉ះពាល់សាហាវជាង Facebook ទៅទៀត

2017-05-22 05:12:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសិក្សាថ្មីមួយដែលបានចុះផ្សាយក្រោមចំណងជើង Status of Mind បានបង្ហាញថា ការប្រើបណ្ដាញសង្គម Instagram និង Snapchat បង្កផលប៉ះពាល់ខ្លាំងបំផុត ដល់យុវវ័យ ជាងការប្រើប្រាស់បណ្ដាញសង្គមផ្សេងៗ។

ការស្រាវជ្រាវនេះធ្វើឡើងដោយក្រុមសង្គមសម្រាប់សុខភាពសាធារណៈនៃចក្រភពអង់គ្លេស ដែលបានស្ទង់មតិយុវវ័យសញ្ជាតិអង់គ្លេសផ្ទាល់ចំនួន ១ ៤៧៩ នាក់ ដែលមានអាយុចន្លោះ ១៤ ទៅ ២៤ ឆ្នាំ ដោយចោទជាសំណួរពីផលប៉ះពាល់ដល់សុខភាពផ្លូវចិត្តពីការប្រើប្រាស់បណ្ដាញសង្គមទាំងនោះ។

ចម្លើយដែលពួកគេឆ្លើយតបគឺការគេងមិនគ្រប់គ្រាន់, ការគំរាមកំហែង, រូបភាពផ្លូវចិត្ត, អត្តសញ្ញាណផ្ទាល់ខ្លួន និងការធុញថប់អារម្មណ៍ជាដើម។

ការសិក្សានោះបង្ហាញថា ការប្រើប្រាស់ Snapchat និង Instagram ផ្តល់ផលប៉ះពាល់ខ្ពស់ជាង Facebook និង Twitter ព្រោះប្រភេទកម្មវិធីទាំង ២ មានលក្ខណៈផុសរូបសន្លឹកស្អាតៗ ដោយមិនបង្ហាញអត្ថន័យច្បាស់លាស់ច្រើននៃរូបណាមួយនោះទេ។

ពួកគេបានពន្យល់យ៉ាងច្បាស់ដូចនេះថា៖ "ឧបមាថាអ្នកប្រើបានឃើញមិត្តភ័ក្ដិរបស់គេ កំពុងរីករាយក្នុងដំណើរកម្សាន្តមួយ ប៉ុន្តែសម្រាប់ខ្លួនឯង មិនអាចដើរទៅបានដូចគេ នេះបង្កើតឱ្យមានអារម្មណ៍មិនល្អ។ មួយវិញទៀតវាជាកម្មវិធី ដែលអាចធ្វើការ Edit រូបភាពបានស្អាតល្អលើសពីកម្មវិធីដទៃ មិនថាតែវីដេអូក៏ដោយ នៅពេលដែលបង្ហោះចេញទៅ គឺមានលក្ខណៈលេចធ្លោ លើសពីការរស់នៅរបស់មនុស្សធម្មតា"។

អ្នកស្រាវជ្រាវបានផ្ដល់ដំណោះស្រាយឱ្យអ្នកកំពុងជួបរឿងទាំងនោះ បើអាចជៀសបាន សូមកុំប្រើបណ្ដាញសង្គមប្រភេទនោះអី ព្រោះវារមែងបង្កើតអារម្មណ៍វិជ្ជមានសម្រាប់ខ្លួនឯងច្រើនលើសពីកម្មវិធីដទៃ ទៀតសោតក៏ចង់ឱ្យអ្នកប្រើប្រាស់ត្រូវមានការគ្រប់គ្រងអារម្មណ៍របស់ខ្លួនឯងឱ្យបានល្អ។

ចុចអាន៖

-វីរបុរសរហាត់ទឹក ការពារបរិស្ថាន ជាមោទនភាពអ្នកទីក្រុង Baltimore

-ប្លែកភ្នែក ឡានតម្លៃរាប់លានស្រោបដោយស្លាបសត្វ

ប្រភព៖ thenextweb ប្រែសម្រួល៖ កៅ រក្សា