ព្រឹកមិញ ផ្ទុះនៅក្នុងមន្ទីរពេទ្យកណ្ដាលទីក្រុងបាងកកមួយ រងរបួស២៤នាក់
- 2017-05-22 06:33:15
- ចំនួនមតិ 0 | ចំនួនចែករំលែក 0
ព្រឹកមិញ ផ្ទុះនៅក្នុងមន្ទីរពេទ្យកណ្ដាលទីក្រុងបាងកកមួយ រងរបួស២៤នាក់
ចន្លោះមិនឃើញ
មនុស្សចំនួន២៤នាក់បានរងរបួសស្រាល បន្ទាប់ពីមានហេតុការណ៍ផ្ទុះមួយបានកើតឡើង នៅឯមន្ទីរពេទ្យ King Mongkut Hospital ដែលស្ថិតនៅចំកណ្ដាលទីក្រុងបាងកក ប្រទេសថៃ នាព្រឹកថ្ងៃច័ន្ទ ទី២២ នេះ។ នេះបើយោងតាមសារព័ត៌មាន Channelnewsasia។
បើតាមសេចក្ដីថ្លែងការណ៍របស់មន្ទីរពេទ្យខាងលើ បានឲ្យដឹងថា ការផ្ទុះនោះទំនងជាបង្កឡើងដោយគ្រោះថ្នាក់អ្វីមួយ។ ក្នុងចំណោមជនរងគ្រោះទាំង២៤នាក់ មាន៣នាក់កំពុងសម្រាកព្យាបាលរបួសនៅឡើយ ដោយភាគច្រើនរងគ្រោះដោយសារការបែកកញ្ចក់។
ទោះបីជាយ៉ាងណា មូលហេតុនៃការផ្ទុះនេះ កំពុងស្ថិតក្រោមការស៊ើបអង្កេត។ នេះបើយោងតាមមន្ត្រីយោធាម្នាក់ ដែលបានប្រាប់ទៅកាន់ ប្រព័ន្ធផ្សព្វផ្សាយក្នុងស្រុក។ បើតាមទូរទស្សន៍ Thai PBS បានឲ្យដឹងថា ឧប្បត្តិហេតុនេះបានកើតឡើង នៅក្នុងបន្ទប់ទទួលភ្ញៀវ សម្រាប់ទទួលមន្ត្រីយោធាចូលនិវត្តន៍៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
