ក្រុមនិស្ស័យលត់ Giant ចាស់ដៃឡើងកាន់កំពូលទាំង៤វិញ
- 2017-05-22 07:34:20
- ចំនួនមតិ 0 | ចំនួនចែករំលែក 0
ក្រុមនិស្ស័យលត់ Giant ចាស់ដៃឡើងកាន់កំពូលទាំង៤វិញ
ចន្លោះមិនឃើញ
ក្នុងសប្ដាហ៍ទី៩នៃពានរង្វាន់មិនអាជីព Khmer Real Estate League ក្រុមនិស្ស័យបានលត់ដៃគូ Giant ដោយលទ្ធផលចាស់ដៃ ៧-០ ដើម្បីឡើងទៅឈរនៅតំបន់កំពូលទាំង៤វិញ បន្ទាប់ពីធ្លាក់ចុះទម្រង់តិចតួចកាលពីពីរសប្ដាហ៍កន្លងទៅនេះ។
ក្រុមដែលសំបូរយុវជនលេចធ្លោនិស្ស័យត្រូវបានគេមើលឃើញថា ជាក្រុមខ្លាំងមួយ និងមានភាគរយខ្ពស់ឡើងទៅវគ្គខ្វែង ប៉ុន្តែប្រហែលជា២សប្ដាហ៍កន្លងទៅនេះ ពួកគេបានធ្លាក់ពីតំបន់កំពូលទាំង៤ក្នុងតារាងដោយសារលទ្ធផលមិនសូវគាប់ប្រសើរ។ ទោះជាយ៉ាងណាសម្រាប់ការប្រកួតសប្តាហ៍ទី៩នេះ និស្ស័យស៊ុតមិនប្រណីលើដៃគូ Giant ដោយទម្លាយសំណាញ់ទីបាន៨គ្រាប់ និងរក្សាពង់មាន់របស់ខ្លួនបានល្អថែមទៀតដែលធ្វើឲ្យក្រុមរបស់ពួកគេឡើងទៅកាន់តំបន់កំពូលទាំង៤វិញ។
២ក្រុមផ្សេងទៀតគឺ បាសាក់ និងកូនខ្មែរក៏រកគ្រាប់បាល់បានរហូត៧គ្រាប់ដែរគឺ បាសាក់បានបំបាក់ HHK ដោយលទ្ធផល ៧-០ ខណៈកូនខ្មែរស៊ី Havas ដោយគ្រាប់បាល់ ៧-៤។ ចំណែកក្រុម Narita និង Avatar ក៏មិនធម្មតាដែរក្នុងសប្តាហ៍កន្លងទៅនេះក្នុងនោះ Narita យកឈ្នះក្រុមដែលភាគច្រើនជាសមាជិកបរទេស Anvaya ដោយលទ្ធផល ៥-១ ហើយ Nartia បំបាក់ខ្លា-ស រហូតដល់៦-១។ ជាមួយគ្នាក្រុមយុវជនកំពង់ចាម បរាជ័យក្រោមថ្វីជើងក្រុម V.Train ៣-០ ហើយក្រុមសមាជិកបរទេសសុទ្ធបាយ័នចាញ់ Blue Drangon ៣-១ ខណៈក្រុមរបស់ស្ថាបនិកពានគឺKhmer United នៅរក្សាលើកំពូលតារាងដដែល បន្ទាប់ពីឈ្នះ Goodhill ១-០៕
ពានរង្វាន់ Khmer Real Estate League