យ៉េន ឌីណា មិនប្រមាទ សូត្រ ប៊ុនធី ពេលដណ្ដើមលុយ១ពាន់ដុល្លារ
- 2017-05-23 03:08:18
- ចំនួនមតិ 0 | ចំនួនចែករំលែក 0
យ៉េន ឌីណា មិនប្រមាទ សូត្រ ប៊ុនធី ពេលដណ្ដើមលុយ១ពាន់ដុល្លារ
ចន្លោះមិនឃើញ
អ្នកប្រដាល់កំពុងកើនឡើងកម្រិតវិជ្ជាគុនគួរឲ្យកត់សម្គាល់ យ៉េន ឌីណា មិនប្រមាទកីឡាករ សូត្រ ប៊ុនធី ជាដៃគូនោះទេពេលប្រកួតដណ្ដើមប្រាក់រង្វាន់១ពាន់ដុល្លារនៅសង្វៀនទូរទស្សន៍អាស៊ីអាគ្នេយ៍នៅថ្ងៃសៅរ៍ចុងសប្ដាហ៍នេះ។
អ្នកប្រដាល់ យ៉េន ឌីណា បានលើកឡើងកាលពីម្សិលមិញនេះថា បើទោះជាខ្លួនគេបានហ្វឹកហាត់ដិតដល់ជាមួយកីឡាករជម្រើសជាតិដទៃទៀតនិងមានគ្រូបង្ហាត់ល្អៗដូចបច្ចុប្បន្ននេះក្ដីក៏គេមិនមានហ៊ានប្រមាទដៃប្រកួតនោះទេ ហើយណាមួយជើងខ្លាំង សូត្រ ប៊ុនធី មិនមែនជាកីឡាករធម្មតានោះឡើយ។
កីឡាករដើមកំណើតមកពីខេត្តកោះកុងរូបនេះបន្តថា ចំពោះរឿងឈ្នះចាញ់នោះគេសង្ឃឹម៥០%សម្រាប់ការប្រកួតមួយនេះ។ បច្ចុប្បន្នគេកំពុងធ្វើការហ្វឹកហាត់ជាប្រចាំ ស្នៀតប្រយុទ្ធនិងកម្លាំងតែម្ដងហើយព្យាយាមធ្វើតាមដំបូន្មានគ្រូៗរបស់ខ្លួន។
ការប្រកួតមួយនេះគេរូបគេខំហាត់កម្លាំងឲ្យខ្លាំងព្រោះពេលប៉ះជាមួយកីឡាករកម្ពស់ខ្ពស់ដូចនេះពិបាកវ៉ៃហើយត្រូវប្រើកម្លាំងច្រើន។ ជម្រើសជាតិប្រដាល់គុនខ្មែរបន្ថែមទៀតថា សូត្រ ប៊ុនធី ស្នៀតល្អៗរបស់គេមានដូចជាល្អធាក់ ជង្គង់ និងកែងជាដើម។
កីឡាករ យ៉េន ឌីណា បច្ចុប្បន្នជាកីឡាករជម្រើសជាតិប្រដាល់គុនខ្មែរ។ មួយរយៈពេលតាំងពីចូលជាកីឡាករជម្រើសជាតិមកការប្រកួតរបស់គេកម្រនិងចាញ់ណាស់ ហើយ ឌីណា នឹងត្រូវឡើងប្រកួតជាអ្នកប្រដាល់ដៃវែងជើងវែង សូត្រ ប៊ុនធី ថ្ងៃសៅរ៍ ទី២៧ ខែឧសភា ឆ្នាំ២០១៧ វេលាម៉ោង ៨យប់តទៅនៅសង្វៀនអាស៊ីអាគ្នេយ៍៕