ហេតុអ្វីកម្ពុជាទទួលយកឈ្មោះប្រដាល់ Muay នៅស៊ីហ្គេមឆ្នាំនេះ?
- 2017-05-23 02:49:27
- ចំនួនមតិ 0 | ចំនួនចែករំលែក 0
ហេតុអ្វីកម្ពុជាទទួលយកឈ្មោះប្រដាល់ Muay នៅស៊ីហ្គេមឆ្នាំនេះ?
ចន្លោះមិនឃើញ
ប្រភេទកីឡាប្រដាល់សេរីបានក្លាយជាបញ្ហាចម្រូងចម្រាសយូរហើយក្នុងកម្មវិធីប្រកួតកីឡាមហាតំបន់អាស៊ីអាគ្នេយ៍ដែលហៅកាត់ថា ស៊ីហ្គេម ដោយសារឈ្មោះប្រភេទកីឡានេះសមាជិកមួយចំនួនក៏មានឈ្មោះរបស់គេរៀងៗខ្លួនដែរ។ ជាក់ស្តែងកម្ពុជាមានពាក្យថា «គុនខ្មែរ» ខណៈឡាវមានឈ្មោះ Muay Laos ហើយថៃមានឈ្មោះ Muay Thai។ ចុះហេតុអ្វីបានជាកម្ពុជាទទួលយកពាក្យ Mauy?
សម្រាប់ព្រឹត្តិការណ៍កីឡា ស៊ីហ្គេម ឆ្នាំ២០១៧ដែលនឹងប្រព្រឹត្តទៅនៅប្រទេសម៉ាឡេស៊ីខាងមុខនេះត្រូវបានដាក់ឈ្មោះផ្លូវការថា « Muay» ដែលសមាជិកមួយអាស៊ានចំនួនមានប្រភេទប្រដាល់សេរីក៏យល់ព្រម និងបញ្ជូលប្រដាល់សេរីចូលរួមការប្រកួតដែរ។ ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានពន្យល់ថា ៖«មិនមែន Muay Thai ទេគឺកីឡា Muay យើងចូលរួម ប៉ុន្តែយើងដាក់គុនខ្មែរ ហៅ«គុនខ្មែរ»ចូលរួម។
ឯកឧត្តមបញ្ជាក់ថា ៖«ចំពោះវិបសាយស៊ីហ្គេមដែលបានផ្សាយពាក្យ«Muay Thai គឺជារឿងមិនត្រឹមត្រូវទេ សូម្បីប្រទេសឡាវក៏មានពាក្យរបស់គេថា «Mauy Lao» ដែរ។ យើងទទួលស្គាល់តែពាក្យ Mauy ទេ ដែលមានក្នុង SEA Games Charter (ធម្មនុញ្ញកីឡាស៊ីហ្គេម)»។
ប្រដាល់សេរីជាកីឡាមួយប្រភេទក្នុងចំណោមកីឡាចំនួន៣៨ប្រភេទសម្រាប់កីឡាស៊ីហ្គេមឆ្នាំ២០១៧នេះ។ ប្រភេទកីឡាប្រដាល់សេរីនេះមានវិញ្ញាសាតែបុរសប៉ុណ្ណោះគឺប្រភេទទម្ងន់៥២-៥៤គីឡូក្រាម ទម្ងន់៥៤-៥៧គីឡូក្រាម ទម្ងន់៦០-៦៣.៤គីឡូក្រាម ទម្ងន់៦៣-៦៧គីឡូក្រាម និងទម្ងន់៧១គីឡូក្រាម»៕