ឡូយ...Original Song ខ្មែរមួយនេះដូចរឿងហុងកុង ការថតចង់ស្មើភាពយន្តមួយរឿង
- 2017-05-23 03:34:20
- ចំនួនមតិ 0 | ចំនួនចែករំលែក 0
ឡូយ...Original Song ខ្មែរមួយនេះដូចរឿងហុងកុង ការថតចង់ស្មើភាពយន្តមួយរឿង
ចន្លោះមិនឃើញ
Original Song ខ្មែរមួយបទត្រៀមចេញក្នុងសិល្បៈតន្ត្រីខ្មែរ ដែលការថត ឃើញមានភាពខុសប្លែកឆ្ងាយនឹងវីដេអូចម្រៀងដទៃទៀត ព្រោះតែមានឈុតឆាកវាយបាញ់ ឧទ្ធម្ភាគចក្រ ដែលជឿថា មិនប្រាប់ ប្រិយមិត្តនឹងគិតជាខ្សែរឿងណាមួយ ពិសេសគឺរឿងហុងកុង។
បទនោះមានចំណងជើងថា "អោយតែគិត ចេះតែចង់យំ" និពន្ធទំនុកច្រៀងដោយលោក ឡេង ណាវ៉ាត្រា និពន្ធបទភ្លេងដោយលោក ណាំ ប៊ុណ្ណារ័ត្ន។ តាមការឲ្យដឹងពីលោក ណាវ៉ាត្រា ដែលជាអ្នកនិពន្ធ និងជាចាងហ្វាងផលិតកម្ម Galaxy ផង បានឲ្យដឹងថា បទចម្រៀងមួយនេះចំណាយពេលថត ៥ថ្ងៃ គឺស្ទើរស្មើនឹងភាពយន្តមួយរឿង ជាក់ស្ដែងខ្សែភាពយន្តមុនរបស់លោក ថត៩ថ្ងៃប៉ុណ្ណោះ។
ដោយទុនវិញក៏ច្រើនណាស់ដែរ គឺចំណាយដល់ទៅ ៧០០០ដុល្លារអាមេរិក ដោយក្នុងនោះ ថែមទាំងបានយកតួថៃម្នាក់មកចូលរួមសម្ដែងផង។ "យើងសម្រិតខ្លាំងណាស់ចម្រៀងមួយនេះ តួសម្ដែងយកសុទ្ធតែតួធំៗ ក្នុងនោះថែមទាំងបានជួលអ្នកដឹកល្បីៗក្នុងស្រុកយើង មកដឹកនាំថតបទនេះផង" លោក ណាវ៉ាត្រា បន្ថែម។
បទខាងលើត្រៀមចេញក្នុងទីផ្សារឆាប់ៗនេះ
ដើម្បីកាន់តែច្បាស់ថា ឡូយ ប៉ុណ្ណា តោះ...ទស្សនាទាំងអស់គ្នា!