«គំនុំវង្វេងទិស» រឿងថ្មីបែបកំប្លែងរបស់ Kevin Cheng ឮថាល្អមើលប្លែក (វីដេអូ)
- 2017-05-23 13:17:17
- ចំនួនមតិ 0 | ចំនួនចែករំលែក 0
«គំនុំវង្វេងទិស» រឿងថ្មីបែបកំប្លែងរបស់ Kevin Cheng ឮថាល្អមើលប្លែក (វីដេអូ)
ចន្លោះមិនឃើញ
តារាសម្តែងហុងកុងល្បីឈ្មោះលោក Kevin Cheng និងនាង Kristal Tin បានចាប់ដៃគ្នាសម្តែងរឿងភាគថ្មី «គំនុំវង្វេងទិស» ដែលល្បីរន្ទឺប្រចាំឆ្នាំ២០១៧ ហើយរឿងនេះនឹងផ្សាយជូនទស្សនានៅ PNN ចាប់ពីថ្ងៃទី២៥ ឧសភា នេះតទៅ។
ទស្សនិកជនធ្លាប់ស្គាល់តារាទាំងពីរដួងនេះរួចមកហើយតាមរយៈខ្សែភាពយន្តភាគល្បីហុងកុងជាច្រើនដែលបានចាក់ផ្សាយនៅលើ PNN កន្លងមក ដូចជា «រឿងព្រាយជញ្ជក់ឈាម», «វិថីជីវិតវគ្គ២», «សង្សារខ្ញុំមនុស្សក្រៅភព» ជាដើម។
«គំនុំវង្វេងទិស» ដែល Kevin Cheng សម្តែងជាតួអធិការវ័យក្មេង និង Kristal Tin សម្តែងជាតួអ្នកយកព័ត៌មានជំនាញមួយរូប ធានាថាប្លែកភ្នែក ប្លែកអារម្មណ៍ ព្រោះកន្លងមកតារាទាំងពីរនេះមិនដែលធ្វើឲ្យ Fans អស់សង្ឃឹមទេ។
«គំនុំវង្វេងទិស» ជាខ្សែភាពយន្តបែបកំប្លែង និងមានភាពអាថ៌កំបាំង ស៊ើបអង្កេត ដែលបានឆ្លុះបញ្ចាំងពីសង្គមពិតទាំងការតស៊ូក្នុងការងារ ស្នេហា និងការរស់នៅបច្ចុប្បន្ន។
Man Kiu Pak (Kevin Cheng) បានបំបែករឿងក្តីកម្រិតធ្ងន់ជោគជ័យ ហើយឡើងតំណែងជាអធិការ។ Gai Wing Yin (Kristal Tin) ជានារីសម្បូរល្បិចកល មើលពីសំបកក្រៅជាភរិយាមានសុភមង្គល តាមពិតគិតតែរឿងលុយ ហើយស្ថិតនៅកណ្តាលរវាងប្តីទី២ និងកូនស្រីទាំងសងខាងជាមនុស្សចំលែក។ Cheung Hak (King Kong) ជាចោរល្ងង់ និងស្មោះត្រង់ខំប្រឹងធ្វើជាមនុស្សល្អ។ ដោយសារតែជីវភាព ចុងក្រោយត្រូវបង្ខំធ្វើជាចោរចាប់ជំរិត អ្នកណាដឹងចាប់ជំរិតច្រលំមនុស្ស។ ដើម្បីបិទបាំងកំហុស បែរជាបង្កើតកំហុសកាន់តែច្រើនឡើងៗទៅវិញ។
ភាគហុងកុងនេះ នឹងផ្សាយជូនទស្សនារាល់ថ្ងៃចន្ទ ដល់សុក្រ វេលាម៉ោង ១២ ថ្ងៃត្រង់ ដល់ម៉ោង ១ រសៀលលើកញ្ចក់ទូរទស្សន៍ PNN ចាប់ពីថ្ងៃទី ២៥ នេះតទៅ បន្ទាប់ពីរឿង «ល្បិចក្នុងវង់ល្បែង»៕