ចូលសិល្បៈវិញភ្លាម លី ម៉ារីណា ចាប់ដៃគូជាមួយ ទេព រិនដារ៉ូ ភ្លែតតែម្ដង!

2017-05-24 03:40:02
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីត្រឡប់មកពីសហរដ្ឋអាមេរិក មករស់នៅស្រុកកំណើតហើយ សម្រេចចិត្តចូលសិល្បៈជាថ្មីវិញ អ្នកនាង លី ម៉ារីណាប្រាប់ថា ឆាប់ៗខាងមុខនេះខ្លួននឹងថតខ្សែភាពយន្តឲ្យទូរទស្សន៍ធំមួយ ដោយក្នុងនោះ ដៃគូសម្ដែងរបស់នាងគឺ លោក ទេព រិនដារ៉ូ ។

ខ្សែភាពយន្តដែល លី ម៉ារីណា គ្រោងថតនោះ តារាស្រីខាងលើមិនបានទម្លាយចំណងជើង ក៏ដូចជា អ្នកដឹកនាំសម្ដែងឲ្យដឹងឡើយ ប៉ុន្តែនាងបានប្រាប់ថា រឿងនោះសម្រេចចាក់លើកញ្ចក់ទូរទស្សន៍រស្មីហង្សមាស។ " គាត់មិនទាន់ឲ្យនិយាយចំណងជើងឡើយ ចាំថ្ងៃក្រុងពាលីចេញថត បានបញ្ចេញឲ្យដឹង នៅ ដើមខែ កក្កដា គ្រោងក្រុងពាលីចេញហើយ គ្រប់យ៉ាងយើងអូខេគ្នាអស់ហើយ" លី ម៉ារីណា ថ្លែង ។

តាមការរៀបរាប់របស់ លី ម៉ារីណា ខ្សែភាពយន្តខាងជារឿងបែបបូរាណ ដោយក្នុងនោះ តារាសម្ដែងសុទ្ធតែជាតារាជើងចាស់ ល្បីៗចូលរួមស្ដែង ហើយនាង និង លោក ទេព រិនដារ៉ូ ធ្វើជាតួ ឪពុកម្ដាយរបស់តួឯក។

ការសម្រេចមកចូលសិល្បវិញ បន្ទាប់ពីផ្អាកជិត១០ឆ្នាំដោយចេញទៅរស់នៅ សហរដ្ឋអាមេរិកជាមួយស្វាមីនេះ ត្រូវបាន លី ម៉ារីណា បញ្ជាក់ថា ក៏ព្រោះតែការស្រលាញ់មិនដាច់ចិត្ត ហើយមានការសំណូមពរពីមិត្តភ័ក្ដិក៏ដូចជាអ្នកដឹកនាំសម្ដែង។ ម្យ៉ាងទៀតក៏ព្រោះតែខ្លួនត្រឡប់មកស្រុកកំណើតលើកនេះ គឺនៅច្រើនឆ្នាំ មិនទាន់ទៅរស់នៅអាមេរិកវិញទេ ចាំកូនធំចូលរៀនបានត្រឡប់ទៅវិញ ដូចនេះមានពេលច្រើនក្នុងការថត។

កន្លងមកលី ម៉ារីណា ធ្លាប់បានថតខ្សែភាពយន្តជាងជាង១៩រឿងមកហើយ ហើយភាពយន្តដែលត្រូវបានទស្សនិកជនចាប់អារម្មណ៍ជាងគេ មានដូចជារឿង" ទឹកភ្នែកជាយដែន"និង រឿង"ចំណងប្រាំប្រការ"ជាដើម៕

***ចុចត្រង់នេះទាក់ទងនឹង លី ម៉ារីណា

***ចុចត្រង់នេះទាក់ទងនឹង ទេព រិនដារ៉ូ

***ភាពយន្តខ្មែររបស់យើង

អត្ថបទ៖ ស៊ុនហួត