ម៉ឺន សុភា កីឡាករមានភាគរយខ្ពស់ បានមេដាយជាងគេនៅស៊ីហ្កេម ២០១៧

2017-05-24 04:34:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះនៅកម្ពុជា ម៉ឺន សុភា មានអាទិភាពជាងគេថានឹងឈ្នះមេដាយក្នុងការកម្មវិធីស៊ីហ្គេម ឆ្នាំ២០១៧ នៅប្រទេសម៉ាឡេស៊ី នេះបើប្រៀបធៀបជាមួយកីឡាករជម្រើសជាតិកម្ពុជាខាងផ្នែកប្រដាល់គុនខ្មែរដទៃទៀត។

កីឡាករ ម៉ឺន សុភា

លោក ឈិត សារឹម ដែលជាគ្រូជម្រើសជាតិប្រដាល់គុនខ្មែរបានឲ្យដឹងថា ស៊ីហ្កេម នាពេលខាងមុខនៅប្រទេសម៉ាឡេស៊ី លើប្រភេទកីឡាប្រដាល់គុនខ្មែរ គេអនុញ្ញាតឲ្យប្រើតែកណ្ដាប់ដៃ ទាត់ និងធាក់នោះទេ ហើយគេមិនអនុញ្ញាតឲ្យវ៉ៃកែង ឬចាប់វ៉ៃជង្គង់នោះឡើយ។ ដូចនេះកីឡាករណាដែលពូកែប្រើកណ្ដាប់ដៃឬទាត់គឺមានឱកាសឈ្នះច្រើនក្នុងការប្រកួតនេះ។

ចំណែកលោកគ្រូ ធន់ សុភា បានលើកឡើងដែរថា នៅស៊ីហ្គេម គេឲ្យប្រើតែដៃនិងជើង នេះជាឱកាសដែលកូនសិស្ស(ម៉ឺន សុភា) របស់លោកអាចនឹងឈ្នះមេដាយជូនប្រទេសជាតិ។ ព្រោះថាកូនសិស្សរបស់លោករូបនេះចូលចិត្តប្រើកណ្ដាប់ដៃ ហើយការចេញដៃឬជើងរបស់គេមានទម្ងន់និងចំៗគោលដៅទៀតផង។

កីឡាករ ម៉ឺន សុភា

លោកគ្រូ ធន់ សុភា

កីឡាករច្រើនណាស់ដែលធ្លាប់សន្លប់ក្រោមកណ្ដាប់ដៃថ្ម ម៉ឺន សុភា នាពេលកន្លងមកដូចជា អតីតកីឡាករ អូត ភូថង ឡៅ ស៊ីណាត កែវ រំចង់ ឌុន រដ្ឋា រួមទាំងកីឡាករបរទេសផ្សេងទៀត។ ម៉ឺន សុភា ទើបឈ្នះខ្សែក្រវាត់១គ្រឿងមកពីប្រទេសបារាំងថ្មីនេះ ហើយនៅខែសីហាឆ្នាំ២០១៧ខាងមុខនេះគេនឹងចេញទៅប្រកួតស៊ីហ្គេមតំណាងឲ្យកម្ពុជា៕

អត្ថបទ៖ នួន ស៊ីណា