ក្រោយមានគេថា កែវ រំចង់ ឈប់ប្រដាល់ ពេលនេះសាមីខ្លួនចេញមកបញ្ជាក់តែម្ដង
- 2017-05-24 07:50:20
- ចំនួនមតិ 0 | ចំនួនចែករំលែក 0
ក្រោយមានគេថា កែវ រំចង់ ឈប់ប្រដាល់ ពេលនេះសាមីខ្លួនចេញមកបញ្ជាក់តែម្ដង
ចន្លោះមិនឃើញ
អ្នកប្រដាល់ដែលល្បីឈ្មោះនិងជាកីឡាករឧស្សាហ៍បង្ហាញមុខនៅកម្មវិធី Thai Fight របស់ប្រទេស កែវ រំចង់ ចេញមុខមកបញ្ជាក់ដល់អ្នកគាំទ្រប្រដាល់គុនខ្មែរទាំងអស់ថា គេមិនទៅណាចោលប្រដាល់ជាដាច់ខាតគ្រាន់តែមិនទាន់ដល់ពេលឡើងប្រកួតវិញ។
កីឡាករ កែវ រំចង់ បានឲ្យដឹងមុននេះបន្តិចថា វិស័យប្រដាល់គុនខ្មែរជាចំណូលធំបំផុតខ្លួន ដើម្បីផ្គត់ផ្គង់ដល់ជីវភាពក្រុមគ្រួសារ។ ដូចនេះគេសូមបញ្ជាក់ថារូបគេមិនទៅណាចោលសង្វៀនប្រដាល់ឡើយ មិនថាអាយុច្រើនឬតិចនោះទេ ឲ្យតែនៅមានកម្លាំងគឺបន្តឡើងសង្វៀនរហូត។
អ្នកប្រដាល់មកខេត្តបាត់ដំបង បន្តទៀតថា«ចំពោះម្ចាស់ Facebook Page ចំនួនមុនផ្សព្វផ្សាយអ្វីសូមមកសួរខ្ញុំសិន កុំចេះតែផ្សាយនោះព្រោះវាមិនពិតប្រាកដ»សម្ដីរបស់ កែវ រំចង់។ រំចង់ ក៏សំណូមពរដល់ជនមួយចំនួនសូមកុំបង្កើត Facebook Page ក្លែងក្លាយដែលបន្លំដាក់ឈ្មោះខ្លួនហើយយកទៅប្រាស់ដូចសព្វថ្ងៃនេះទៀត។
កែវ រំចង់ បាត់មុខខានឡើងសង្វៀនតាំងពិវិលត្រលប់មកពីប្រកួតនៅប្រទេសបារាំងចុងឆ្នាំ២០១៦មកម្ល៉េះ ហើយក៏ដោយសារគ្រោះថ្នាក់ចរាចរណ៍ រួមផ្សំនិងការឡើងទម្ងន់ផងនោះទើបជាហេតុធ្វើឲ្យអាក់ខានមួយរយៈពេល។ កីឡាករមកពីក្លឹបប្រដាល់កងពលតូចលេខ៨ភ្នំទ្រព្យ រូបនេះគ្រោងនឹងឡើងប្រកួតវិញនៅឆ្នាំ២០១៨ខាងមុននេះ៕