Microsoft លើក ២ ចំណុចលើ Surface Pro ថ្មី បាញ់ Apple ចំៗមិនសំចៃមាត់
- 2017-05-25 01:53:11
- ចំនួនមតិ 0 | ចំនួនចែករំលែក 0
Microsoft លើក ២ ចំណុចលើ Surface Pro ថ្មី បាញ់ Apple ចំៗមិនសំចៃមាត់
ចន្លោះមិនឃើញ
មុននេះបន្តិចក្រុមហ៊ុន Microsoft ទើបតែបានប្រកាសបង្ហាញនូវប្រភេទឧបករណ៍ Notebook-tablet ជំនាន់ថ្មី ម៉ូដែល Surface Pro ដែលវិវត្តបន្តពី Surface Pro 4 ។ ទន្ទឹមនឹងការដាក់បង្ហាញ ក្រុមហ៊ុន Microsoft បានប្រកាសថា Surface Pro អាចមានថាមពលថ្មកាន់ដល់ ១៣,៥ ម៉ោងច្រើនជាង iPad Pro ដែលមានត្រឹមតែ ១០ ម៉ោង និងមានល្បឿនដំណើរការលឿនជាង iPad Pro ដែលបំពាក់ឈីប A9x ដល់ទៅ ១,៧ ដង ខណៈឧបករណ៍របស់ខ្លួនបំពាក់នូវឈីប Core i7 ជំនាន់ក្រោយ។
ទៀតសោតវាបានបំពាក់នូវអេក្រង់ទំហំ ១២,៣ អ៊ីញមានដង់ស៊ីតេអេក្រង់ ២៦៧ppi បើធៀបទៅ iPad Pro ក៏ឈ្នះផងដែរ ព្រោះវាមានត្រឹមតែ ២៦៤ ppi ប៉ុណ្ណោះ។ បន្ថែមពីនោះវាអាចគាំទ្រការដាក់ SSD ដល់ទំហំ 1TB និងអាចបំពាក់ RAM ដល់ 16GB គួបផ្សំរន្ធដោត USB 3.0 និងដំណើរការនៅលើ ប្រព័ន្ធប្រតិបត្តិ Windows 10 Pro ។
តម្លៃត្រូវបានគេដឹង ប្រហែលខ្ទង់ ៧៩៩,៩៩ ដុល្លារក្នុងទីផ្សារអាមេរិក ដោយបើកឱ្យ Pre-Order ចាប់ពីថ្ងៃនេះ នៅលើគេហទំព័រ Microsoft, BestBuy និង JD ហើយការចេញលក់ជាសាធារណៈនៅថ្ងៃទី ១៥ មិថុនា ក្នុង ២៥ ប្រទេស។
បន្តចុចអាន៖