គូជក់ចិត្តល្ងាចនេះ បឹងកេតប៉ះភ្នំពេញក្រោន

2017-05-25 06:57:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ជើងឯកលីគកំពូលកម្ពុជារដូវកាលមុន បឹងកេត នឹងទទួលក្រុមខ្លាំងភ្នំពេញក្រោនវេលាម៉ោង ៦:០០នាទីល្ងាចនេះនៅពហុកីឡដ្ឋានជាតិ សម្រាប់ការប្រកួតលីគកំពូលកម្ពុជារដូវកាល២០១៧ ជើងទី២ សប្ដាហ៍ទី១២។

បឹងកេត

ជំនួបនៃក្រុមទាំងពីរត្រូវបានអ្នកគាំទ្រមើលឃើញថា មានភាពជក់ចិត្ត ដោយបើកការវាយសម្រុកគ្នាខ្លាំងតាំងពីរដូវកាលមុនៗ។ ភ្នំពេញក្រោនជាក្រុមមានកីឡាករយុវជនច្រើន ដែលសុទ្ធសឹងតែមានបច្ចេកទេសល្អ ខណៈបឹងកេតសម្បូរទៅដោយកីឡាករមានបទពិសោធន៍ និងមិនសូវមានកីឡាករយុវជន។

ជំនួបនៃក្រុមទាំងពីរកាលពីជើងទី១ ត្រូវបានគេមើលឃើញថា បឹងកេតមានឱកាសច្រើន តែគ្មានសំណាង ស្របពេលភ្នំពេញក្រោនរកបានរហូតដល់ ៤គ្រាប់ ដែលសុទ្ធសឹងតែជាគ្រាប់បាល់បច្ចេកទេសល្អៗ។ កាលពីជើងទី១ បឹងកេតបរាជ័យនៅទឹកដីរបស់ភ្នំពេញក្រោន ៤-០ ដែលពេលនោះខ្សែការពារកណ្ដាលរបស់ក្រុមភ្ញៀវ សុខ សុវណ្ណ រងរបួសភ្លៅនៅនាទីទី៦០ត្រូវបានប្ដូរចេញ។

បើក្រឡេកទៅមើលពិន្ទុបឹងកេតស្ថិតនៅលេខ ៤ មាន២០ ពិន្ទុ ស្របពេល ភ្នំពេញក្រោនស្ថិតនៅលេខ ៥ មាន ១៨ ពិន្ទុ៕