លង់ក្នុងស្បៃរាត្រី ដួង ម៉ានិច្ច ត្រូវបារមីពស់កេងកង មកពន្យល់សប្ដិ(វីដេអូ)
- 2017-05-25 08:32:29
- ចំនួនមតិ 0 | ចំនួនចែករំលែក 0
លង់ក្នុងស្បៃរាត្រី ដួង ម៉ានិច្ច ត្រូវបារមីពស់កេងកង មកពន្យល់សប្ដិ(វីដេអូ)
ចន្លោះមិនឃើញ
កញ្ញា ដួង ម៉ានិច្ច បានថ្លែងឲ្យដឹងថា ចាប់តាំងពីនាងបានសម្ដែងជាតួឯកក្នុងរឿង "ពស់កេងកង"មក រាសីរបស់នាងចាប់ផ្ដើមឡើងទ្វេដង ជាមួយគ្នានេះ បារមីកាន់ពស់កេងកង បានថែមទាំង មកពន្យល់សប្តិឲ្យនាងឃើញ ដោយបង្ហាញភាពស្និទ្ធស្នាលស្រលាញ់រាប់អាននាងជាខ្លាំង។
"បងប្អូនខ្លះគិតថា ឥឡូវនេះអត់មានអប្បិយជំនឿទេ ប៉ុន្តែសម្រាប់ខ្ញុំគឺជឿខ្លាំងណាស់ ព្រោះអី បារមីតាមកាន់ពស់កេងកងមកពន្យល់សប្ដិខ្ញុំ លេងជាមួយខ្ញុំដូចជាមិត្តភក្តិ មានអារម្មណ៍ស្និទ្ធស្នាល ហើយរាសីខ្ញុំចាច់ផ្ដើមឡើងខ្លាំង"ដួង ម៉ានិច្ច លើកឡើង។
តារាស្រីរូបនេះបានបន្តឲ្យដឹងថា នាងចូលសិល្បៈជាង១០ឆ្នាំមកហើយ ប៉ុន្តែបើនិយាយពីទីផ្សារវិញកន្លងមកហាក់ដូចជាមិនសូវខ្លាំងទេ ប៉ុន្តែក្រោយពីថតរឿង "ពស់កេងកង"មក រាសីរបស់នាងចាប់ផ្ដើមឡើងទ្វេដង ហើយតម្លៃខ្លួនក៏ឡើងតាមនោះដែរ។ ម៉ានិច្ច បានរៀបរាប់ឲ្យដឹងថា ខ្លួនទើបបានចុះកុងត្រាថតរឿងចំនួន២ទៅ៣រឿងថែមទៀតសុទ្ធសឹងតែជាតួឯក។
ទទឹមគ្នានោះដែរ នាងត្រូវបានក្រុមហ៊ុនបរទេសមួយជ្រើសរើសឲ្យធ្វើជាតារាតំណាងផលិតផល ចេញទៅផ្សព្វផ្សាយ និងថតស្ប៉តពាណិជ្ជកម្ម នៅប្រទេសចំនួន៤ មានប្រទេស អូស្ត្រាលី ម៉ាឡេស៊ី កូរ៉េ និង ប្រទេស សាំងហ្គាពួរ ថែមទៀតផង ដោយគ្រោងចេញទៅក្នុងអំឡុងខែ មិថុនា ឆ្នាំ ២០១៧នេះ។
មិនត្រឹមតែប៉ុណ្ណោះ ក្រោយពីបញ្ចប់ការងារ ជាតារាតំណាងផលិតផលខាងលើ នាងគ្រោងចេញទៅច្រៀងនៅឯប្រទេសកាណាដា ១ខែថែមទៀត។ ដោយសារតែការងារបុកមកផ្ទួនគ្នាបែបនេះ ធ្វើឲ្យដូង ម៉ានិច្ច មិនមានពេលគ្រប់គ្រាន់ នាងបានសម្រេចបោះចោលការងារមួយចំនួនផងដែរ។
ការងារដែលនាងបដិសេធនោះ ស្រីស្រស់បានរូបនេះ ប្រាប់ថា គឺទៅសម្ដែងនៅប្រទេសសាំងហ្គាពួរខែ ក្នុងអំឡុងខែ ចុងខែ សីហា ដើមខែ កញ្ញា ឆ្នាំ ២០១៧។ ជាមួយនឹងសមិទ្ធផលដែលបានរៀបរាប់ខាងលើ ក្រៅពីសមត្ថភាពផ្ទាល់ខ្លួន នាងគិតថា ពិតជាមានបារមីពស់កេងកងមកតាមជួយនាងពិតមែន៕
*បទពីដើមយើងមួយនេះ សិរីមន្ត ដូរដៃគូ២នាក់ហើយ!
*កូនខ្មែរយើងកាត់ប៊ុលហ្គារី Cute កប់!