មួម៉ៅនឹងតិចក្ដៅតិចត្រជាក់? ៦ ចំណុចងាយៗជួយឲ្យមានអារម្មណ៍ល្អ
- 2017-05-26 04:46:40
- ចំនួនមតិ 0 | ចំនួនចែករំលែក 0
មួម៉ៅនឹងតិចក្ដៅតិចត្រជាក់? ៦ ចំណុចងាយៗជួយឲ្យមានអារម្មណ៍ល្អ
ចន្លោះមិនឃើញ
ថ្ងៃក្ដៅខ្លាំង ជិតល្ងាចមេឃភ្លៀងនេះ ជឿជាក់ថាគ្រប់គ្នាអាចនឹងមានអារម្មណ៍ធុញថប់ ស្អុះស្អាប់ ពេលកំពុងបំពេញការងារ។ យ៉ាងណាក៏ដោយ គ្រប់គ្នាគួរលៃពេលវេលាខ្លះសម្រាប់ធ្វើឲ្យខ្លួនឯងមានអារម្មណ៍ស្រស់ស្រាយឡើងវិញ ព្រោះពេលវេលាជីវិតមិនយូរប៉ុន្មានទេសម្រាប់មនុស្សម្នាក់ៗ។ ដូច្នេះ Sabay នឹងបង្ហាញវិធីសាស្ត្រមួយចំនួនជួយឲ្យមានអារម្មណ៍ខែមានអាកាសប្រែប្រួលបែបនេះ៖
១. រៀបចំបោសសម្អាតផ្ទះ
គួរចាប់ផ្ដើមស្អាតផ្ទះសម្បែងឲ្យបានទូលាយ ប្រមែប្រមូលរបស់មិនចាំបាច់យកទៅចោល ឲ្យផ្ទះស្រឡះ ពន្លឺចេញចូលគ្រប់គ្រាន់ ចៀសវាងកុំឲ្យមានប្រភេទពពួកសត្វល្អិតមួយចំនួនដែលងាយនឹងចម្លងរោគមកដល់គ្រួសារ។ កាន់តែពិសេសបើមានម៉ាស៊ីនត្រជាក់ម៉ូដែល Virus Doctor របស់ Samsung 8 Pole Digital Inverter 2017 ក្នុងផ្ទះទៀតនោះ វាអាចកម្ចាត់មេរោគបានទាំងក្នុងម៉ាស៊ីន និងបរិយាកាសខាងក្រៅ ហើយថែមទាំងឆាប់ត្រជាក់ និងស៊ីភ្លើងតិចទៀតផង។
២. ជ្រើសរើសការហាត់ប្រាណ
អ្នកអាចជ្រើសរើសយកការធ្វើសកម្មភាពហាត់ប្រាណមួយចំនួននៅក្រៅផ្ទះ ដូចជា ការជិះកង់ រត់ហែលទឹក ជាដើម។ វាមិនត្រឹមតែជួយឲ្យមានសុខភាពល្អប៉ុណ្ណោះទេ ថែមទាំងជួយឲ្យអារម្មណ៍ប្រសើរថែមទៀតផង។
៣. ដើរកម្សាន្ត
ឆ្លៀតលម្ហែនៅថ្ងៃចុងសប្ដាហ៍ ដើម្បីជួយឲ្យអារម្មណ៍បានធូរស្រាល បន្ទាប់ពីធ្វើការហត់ពេញមួយសប្ដាហ៍រួចមក។
៤. ជ្រើសរើសអាហារ
គប្បីញ៉ាំអាហារពេលព្រឹក ឬអាហារសម្រន់ដែលមានជាតិទឹក ព្រោះវាជួយឲ្យរាងកាយកាន់តែមានលំនឹង។ អាហារមានជាតិខ្លាញ់ គួរជៀសវាង ហើយងាកមកញ៉ាំអាហារដែលសម្បូរទៅដោយជាតិទឹក ដូចជា ឪឡឹក ម្នាស់ ផឹកទឹកដូង ជាដើម។ រដូវក្ដៅធ្វើឲ្យរាងកាយខ្វះជាតិទឹក ដើម្បីឲ្យរាងកាយកាន់តែមានសំណើមព្យាយាមផឹកទឹក ២ កែវ មុន និងក្រោយញ៉ាំចំណីអាហាររួច។
៥. ស្ដាប់តន្ត្រី មើលកុន
ស្វែងរករឿងណាកំប្លែងៗ ស្នេហាបែបរ៉ូមែនទិក ស្ដាប់ចម្រៀង ឬចូលទៅហាងណាមួយស្ដាប់ភ្លេងកំដរអារម្មណ៍ឲ្យបានសប្បាយ និងធូរស្រាល។
៦. ដាំផ្កា
អ្នកអាចប្រហែលជាធុញថប់នឹងអាកាសធាតុក្ដៅបែបនេះ តែប្រសិនមានដាក់កូនផ្កាមួយផើងតូចមួយ អារម្មណ៍អ្នកអាចនឹងខុសប្លែកយ៉ាងឆាប់រហ័ស វាបានជួយឲ្យបាត់ភាពតានតឹងនៃរាងកាយនិងផ្លូវចិត្តបានមួយកម្រិតដែរ៕