បើមិនចង់ជួបគ្រោះអាក្រក់ កុំបំពានជំនឿទាំងនេះ
- 2017-05-26 07:02:50
- ចំនួនមតិ 0 | ចំនួនចែករំលែក 0
បើមិនចង់ជួបគ្រោះអាក្រក់ កុំបំពានជំនឿទាំងនេះ
ចន្លោះមិនឃើញ
មនុស្សមួយចំនួនមានជំនឿថា ត្រូវតែមានទម្លាប់ងើបចេញពីគ្រែនៅទិសដដែលជារៀងរាល់ព្រឹក ប្រសិនបើថ្ងៃណាមួយស្រាប់តែងើបចេញពីគ្រែខុសទម្លាប់នោះ នឹងត្រូវជួបរឿងរ៉ាវឈឺក្បាលពេញមួយថ្ងៃ ឫអាចជួបនូវគ្រោះថ្នាក់តូចតាចដែលធ្វើឲ្យឈឺខ្លួន។ ហេតុនេះហើយទើបមនុស្សភាគច្រើនដែលមានជំនឿបែបនេះ និយមដាក់គ្រែម្ខាងទៅជាប់នឹងជញ្ជាំងតែម្តង ដើម្បីកុំឲ្យច្រឡំងើបខុសទិស។
ពេលរៀបចេញពីផ្ទះ មិនត្រូវពាក់អាវខាងខុសនោះទេ ព្រោះវាធ្វើឲ្យអ្នកជួបរឿងមិនល្អ។ ប្រសិនបើពេលដែលអ្នកពាក់អាវស្រាប់តែចៃដន្យធ្វើឲ្យឡេវអាវរបូតជ្រុះនោះ អ្នកត្រូវដេឡេវអាវភ្ជាប់ទៅវិញ ដោយពុំចាំបាច់ដោះអាវចេញពីខ្លួនទេ បើមិនដូច្នេះអ្នកនឹងត្រូវគេនិយាយមូលបង្កាច់ជាមិនខាន។
នៅពេលចេញទៅធ្វើការពុំត្រូវក្រឡេកភ្នែកសម្លឹង មើលទេសសភាពតាមដងផ្លូវនោះទេ ព្រោះបើចៃដន្យក្រឡេកមើលចំផ្កាពណ៌លឿងនោះ វានឹងធ្វើឲ្យអ្នកជួបរឿងមិនល្អពេញមួយឆ្នាំ ហើយប្រសិនបើមានសត្វចាបហើរកាត់មុខបានសេចក្តីថា អ្នកនឹងត្រូវជួបនូវគ្រោះមិនល្អក្នុងពេលឆាប់ៗ។
ប្រសិនបើអ្នកត្រូវធ្វើដំណើរក្រោមស្ពាន មិនត្រូវហាមាត់និយាយស្តីអ្វីនោះទេ ហើយបើត្រូវដើរឆ្លងថ្នល់មិនត្រូវដើរជាន់គំនូស-ស ជាដាច់ខាត ពិសេសមុនពេលចូលក្រុមហ៊ុន មិនត្រូវដើរក្រោមជណ្តើរទេ។ ប្រសិនបើល្មើសនូវត្រណមណាមួយក្នុងចំណោមទាំងបីនេះ អ្នកអាចបាត់បង់នូវទ្រព្យសម្បត្តិឫមានគ្រោះដល់ជីវិតបាន។
អំឡុងពេលថ្ងៃ ប្រសិនបើបានឮសំឡេងនាឡិការោទ៍ដំណាលគ្នាជាមួយនឹងសំឡេងរគាំងនៅប៉ុស្តិ៍ប្រៃសណីយ៍ នោះបញ្ជាក់ថា នឹងកើតមានភ្លើងឆេះ។ ប្រសិនបើមាននាឡិកាពីរគ្រឿងលាន់សូរដំណាលគ្នា នោះបានសេចក្តីថា នឹងមានមនុស្សពីរនាក់ ដែលរស់នៅម្តុំនោះ ត្រូវជួបនូវគ្រោះមិនល្អ រហូតដល់ស្លាប់ទៀតផង។
ក្រៅពីនោះនៅក្នុងអំឡុងពេលដែលនាឡិការោទ៍ដំណាលគ្នាជាមួយនឹងសំឡេងរគាំងនៅប៉ុស្តិ៍ប្រៃសណីយ៍នោះ មនុស្សគ្រប់រូបត្រូវតែស្ងាត់មាត់ មិនត្រូវនិយាយអ្វីទាំងអស់ បើនរណាម្នាក់និយាយនឹងត្រូវជួបនូវគ្រោះមិនល្អ៕
(ដកស្រង់ចេញពីសៀវភៅ ជំនឿ និង ហ៊ុងស៊ុយ)