សុនខដើរជើង២ដូចមនុស្ស កំពុងល្បីខ្លាំង តែដឹងការពិត គួរឲ្យរន្ធត់ចិត្ត
- 2017-05-26 07:24:09
- ចំនួនមតិ 0 | ចំនួនចែករំលែក 0
សុនខដើរជើង២ដូចមនុស្ស កំពុងល្បីខ្លាំង តែដឹងការពិត គួរឲ្យរន្ធត់ចិត្ត
ចន្លោះមិនឃើញ
កាលពីពេលថ្មីៗនេះ វីដេអូមួយខ្សែបានបង្ហាញឲ្យឃើញ សត្វសុនខមួយក្បាល អាចដើរជើង ២ ដូចមនុស្សអីចឹង។ ខណៈពេលដែលមនុស្សមួយចំនួន គិតថាវាគួរឲ្យស្រលាញ់ ប៉ុន្តែមានមនុស្សមួយចំនួនផ្សេងទៀត បានអះអាងថា សត្វសុនខដើរជើង ២ បែបនេះ គឺដោយសារតែត្រូវម្ចាស់វាធ្វើបាប។
វីដេអូដែលល្បីល្បាញខ្លាំង នៅលើបណ្ដាញសង្គមចិនខាងលើ បានបន្តលាតសន្ធឹងវិសាលភាពរបស់ខ្លួន រហូតដល់អាមេរិកខាងជើង ទៀតផង។ វាបានបង្ហាញឲ្យឃើញ សត្វសុនខសម្បុរពណ៌ត្នោតមួយក្បាល ដើរជើង ២ ហើយបានស្លៀកពាក់ និងស្ពាយកាតាបដូចមនុស្សធម្មតាអីចឹង នៅតាមដងផ្លូវ ក្នុងប្រទេសចិន។
ទោះបីជាយ៉ាងណា ក្រុមអ្នកស្រលាញ់ និងសកម្មជនសត្វ បានសុំចិត្តអ្នកនិយមប្រើប្រាស់បណ្ដាញសង្គម កុំឲ្យបន្តចែកចាយ (Share) វីដេអូខាងលើ និងវីដេអូសត្វផ្សេងទៀតបែបនេះ ដោយពួកគេអះអាងថា សត្វទាំងនោះសុទ្ធតែត្រូវបានគេធ្វើបាប។
ការអះអាង និងសុំចិត្តបែបនេះ បានធ្វើឡើងបន្ទាប់ពីម្ចាស់សត្វចិញ្ចឹមមួយចំនួន ត្រូវគេថតបានសកម្មភាពបង្វឹកសត្វយ៉ាងឃោរឃៅ និងរំលោភបំពាន ដើម្បីឲ្យពួកវាចេះធ្វើសកម្មភាព ដូចជា ដើរជើង ២ នេះជាដើម។
ខាងក្រោមនេះ គឺជាវីដេអូសត្វសុនខដើរជើង ២ ដូចមនុស្ស ដែលកំពុងល្បីខ្លាំងនៅប្រទេសចិន៖
ខាងក្រោមនេះ គឺជាវីដេអូបង្ហាញពីសកម្មភាពបង្វឹកសត្វយ៉ាងឃោរឃៅ៖
There's a viral video of a walking dog.. This is nothing but cruel! This is how they're trained to stand upright and walk. #stopanimalabuse pic.twitter.com/jHPqUrOjZY
— Jari Ⓥ (@pandajari) May 17, 2017
យ៉ាងណាមិញ ម្ចាស់សត្វសុនខសម្បុរត្នោតខាងលើ មានឈ្មោះថា Wen បានអះអាងថា សត្វសុនខនោះជ្រើសរើសដើរជើង ២ ដោយខ្លួនឯង និងមិនត្រូវបានគេធ្វើបាបឡើយ។ នេះបើយោងតាមសារព័ត៌មាន International Business Times៕