គ្រូទ័ពថា ប៉ះវេស្ទើនសប្ដាហ៍នេះមិនអាចដូចជើងទី១ទេ
- 2017-05-26 08:51:23
- ចំនួនមតិ 0 | ចំនួនចែករំលែក 0
គ្រូទ័ពថា ប៉ះវេស្ទើនសប្ដាហ៍នេះមិនអាចដូចជើងទី១ទេ
ចន្លោះមិនឃើញ
លោក ទេព ឡុងរចនា គ្រូបង្វឹកក្រុមក្រសួងការពារជាតិមានជំនឿចិត្តអាចយកបាន ៣ពិន្ទុពីក្លឹបវេស្ទើនភ្នំពេញ សម្រាប់ជំនួបនៃក្រុមទាំងពីរនៅថ្ងៃទី២៧ ខែឧសភា ឆ្នាំ២០១៧ស្អែកនេះនៃការប្រកួតលីគកំពូលកម្ពុជាសប្ដាហ៍ទី១២ ជើងទី១ នៅពហុកីឡដ្ឋានជាតិវេលាម៉ោង ៦ :០០នាទីល្ងាច។
ក្លឹបក្រសួងការពារបានបរាជ័យក្នុងដីខ្លួនឯងកាលពីជើងទី១ ក្រោមថ្វីជើងវេស្ទើន ៣-២។ ដោយឡែកនៅជើងទី២នេះវិញ គ្រូបង្វឹកក្រសួងការពារជាតិរូបនេះគិតថា ក្រុមរបស់ខ្លួន នឹងអាចសងសឹកវិញបាន។ លោកយល់ថា ប្រកួតនេះប្រសិនបើបន្តចាញ់ទៀតនោះ ការប្រជែងនៅលីគកំពូលកម្ពុជាឆ្នាំនេះរបស់ការពារជាតិកាន់តែពិបាកមិនខាន។
លោកបន្ថែមថា វេស្ទើនមានចំណុចខ្លាំងមួយគឺកីឡាករលេងដោយមានឆន្ទៈចង់ឈ្នះ ចំពោះរបៀបលេងនៅលើទីលានគឺគ្មានចំណុចត្រូវព្រួយបារម្ភខ្លាំងឡើយ។ ក្រុមរបស់លោកបានរៀបចំយ៉ាងល្អសម្រាប់ជើងទី២នេះ និងបានចាត់ទុកថា ជាការប្រកួតសំខាន់មួយផងដែរ។
ដើមឡើយក្រុមទាំងពីរគ្រោងប្រកួតនៅទីលានវេស្ទើន ប៉ុន្តែត្រូវបានផ្លាស់ប្ដូរមកពហុកីឡដ្ឋានជាតិវិញ៕