មិនធម្មតា! រឿងថ្មី Rain ថតដល់ទៅ ៣ប្រទេសឯណោះ
- 2017-05-26 10:14:45
- ចំនួនមតិ 0 | ចំនួនចែករំលែក 0
មិនធម្មតា! រឿងថ្មី Rain ថតដល់ទៅ ៣ប្រទេសឯណោះ
ចន្លោះមិនឃើញ
រឿងថ្មី "ស្នេហ៍ប្រែកាយ" ដែលកំពុងតែចាក់ផ្សាយលើកញ្ចក់ទូរទស្សន៍PNN ទស្សនិកជនមានដឹងទេថា ខ្សែភាពយន្តដ៏ល្អមួយនេះត្រូវបានថតដល់ទៅ ៣ប្រទេសឯណោះ។
ប្រទេសចិន កូរ៉េ និង ប៊ែលហ្សិក ជាទីតាំងធំសំខាន់ៗ សម្រាប់រឿងថ្មីនេះ ជាក់ស្តែងទាំងការថត និងការសម្តែងរឿង គឺបានសម្រិតសម្រាំងយ៉ាងពិសេស ដើម្បីឲ្យខ្សែរឿងខាងលើ ទទួលបានប្រជាប្រិយភាព។ មូលហេតុទាំងអស់នេះហើយ ទើបធ្វើឲ្យរឿងដែលសម្តែងដោយតារាល្បី Rain ទទួលបានជោគជ័យខ្លាំងបំផុតនៅប្រទេសចិន ដោយមានអ្នកទស្សនាច្រើនជាង ៣ពាន់លានដង លើអនឡាញ។ រឿងនេះត្រូវបានទិញសិទ្ធិចាក់ផ្សាយនៅក្នុងប្រទេសចំនួន៨ ហើយកម្ពុជាគឺជាប្រទេសទី៩ដែលកំពុងតែចាក់ផ្សាយលើកញ្ចក់ទូរទស្សន៍PNN។
ប្រិយមិត្តដែលនិយមតាមដានភាពយន្តល្បីមួយនេះ ប្រាកដជាបានដឹងរួចមកហើយ ពីស្នេហារវាង Mi Dou និង Xiao Liang ដោយឥឡូវនេះ ពួកគេក៏បានក្លាយជាសង្សារនឹងគ្នា ព្រមទាំងយល់ចិត្តគ្នាទៀតផង។ កាលពីម្សិលមិញនេះ Mi Dou បានណាត់ Xiao Liang ទៅមើលកុនជាមួយគ្នា តែក៏ត្រូវបានអាក់ខានទៅវិញដោយសារតែ Xiao Liang ជាប់ណាត់ជាមួយអតីតសង្សាររបស់ខ្លួនពីរឿងការងារមិនអាចទៅទាន់ពេល។ ទោះបីជាបែបណា Mi Dou នៅតែមិនខឹងនឹង Xiao Liang ចុះបើសិនជាមិត្តនារីៗវិញ នឹងអាចលើកលែងទោសអោយគេបានដែរទេ?
កុំភ្លេចរង់ចាំតាមដានទស្សនាភាគបន្តរឿង "ស្នេហ៍ប្រែកាយ" នាល្ងាចនេះវេលាម៉ោង៦ដល់ម៉ោង៧យប់ រៀងរាល់ថ្ងៃព្រហស្បតិ៍ ដល់ថ្ងៃសៅរ៍ នៅលើកញ្ចក់ទូរទស្សន៍PNN៕
ទស្សនាឈុតខ្លីសម្រាប់ល្ងាចនេះសូមចុច៖