កំពូលតារាប្រុសរូបសង្ហា មុខមានមន្តស្នេហ៍ហ្វីលីពីនទាំង ១០រូប ប្រចាំឆ្នាំ ២០១៧
- 2017-05-27 04:11:09
- ចំនួនមតិ 0 | ចំនួនចែករំលែក 0
កំពូលតារាប្រុសរូបសង្ហា មុខមានមន្តស្នេហ៍ហ្វីលីពីនទាំង ១០រូប ប្រចាំឆ្នាំ ២០១៧
ចន្លោះមិនឃើញ
ស្របពេលវិស័យសិល្បៈហ្វីលីពីនសព្វថ្ងៃ កាន់តែមានភាពលូតលាស់ឡើង កត់សម្គាល់ឃើញថា តារាប្រុសម្នាក់ៗរបស់ហ្វីលីពីន ទាំងតារាជំនាន់មុន និងជំនាន់ក្រោយ មានរូបរាងសង្ហា សិចស៊ី និងមានសមត្ថភាពខ្ពស់ណាស់ រហួតទទួលបានការចាប់អារម្មណ៍មិនធម្មតាពីមហាជន។ ចង់ដឹងថា តារាៗប្រុសណាខ្លះ ត្រូវបានចាត់ទុកថា ជាប្រុសសង្ហាប្រចាំឆ្នាំ ២០១៧? សូមទស្សនាទាំងអស់គ្នា៖
១. Piolo Pascual
Piolo មានសមត្ថភាពខ្ពស់ខាងច្រៀង ហើយសំឡេងរបស់លោក អាចធ្វើឲ្យអ្នកស្ដាប់ស្លុងអារម្មណ៍ ជក់ចិត្តដកមិនរួច រហូតទទួលរហស្សនាមថា "អ្នកអង្រួនបេះដូងហ្វីលីពីន” ទៀតផង។ បើនិយាយពីរូបសម្បត្តិវិញ មិនថាពាក់អាវ ឫដោះអាវចេញទេ លោកនៅតែសង្ហាជានិច្ច ព្រោះតារាប្រុសរូបនេះ មានភាពទាក់ទាញពីធម្មជាតិតែម្ដង ធ្វើឲ្យនារីៗបាក់ចិត្តស្រលាញ់មិនតិចទេ។ ក្រៅពីនេះលោក ក៏ជាសុភាពបុរសម្នាក់ដែលពោរពេញដោយសមត្ថភាពពេញខ្លួនដែរ។
២. Dingdong Dantes
តារាប្រុស Dingdong មានសមត្ថភាពខាងសម្ដែង រាំ និងបង្ហាញម៉ូដ។ ក្រៅពីមានមាឌមាំ រាងខ្ពស់ លោកក៏មានទម្រង់មុខដ៏សិចស៊ី មិនអាចបំភ្លេចបាន។ ស្វាមីតារាស្រី Marian Rivera រូបនេះ ត្រូវបានចាត់ទុកជាតារាជួរមុខហ្វីលីពីន និងទទួលបានការគាំទ្រខ្លាំងពីមហាជនទាំងក្នុងប្រទេស ក៏ដូចជាក្រៅប្រទេស។
៣. Diether Ocampo
រូបរាងសង្ហារបស់ កូនកាត់អាល្លឺម៉ង់ ហ្វីលីពីនរូបនេះ បានធ្វើឲ្យនារីជាច្រើនលង់ស្នេហ៍។ ដោយសារលោក ជាមនុស្សម្នាក់ដែលស្រលាញ់សត្វ ទើបកាន់តែត្រូវបានអ្នកគាំទ្រ ពេញចិត្តនឹងនិស្ស័យមួយនេះរបស់លោកថែមទៀត។
៤. Tom Rodriguez
អ្វីដែលជាភាពទាក់ទាញ បន្ទាប់ពីរាងដ៏អំណោយផល របស់ Tom គឺស្នាមខួចលើថ្ពាល់របស់លោក។ លោកតែងតែរៀបចំខ្លួនយ៉ាងមានរបៀប ដែលបានឆក់យកបេះដូងស្រីៗស្ទើរគ្រប់ទីកន្លែង។
៥. Xian Lim
Xian ជាកូនកាត់ចិន ដែលមានរូបរាងបានទាំងព្រម ជាពិសេសសមត្ថភាពខាងសិល្បៈវិញ លោកអាចទាំងច្រៀង សម្ដែង ដើរម៉ូដ និងនិពន្ធបានទៀតផង។
៦. Richard Guttierez
Richard ជាតារាសម្ដែង និងជាតារាម៉ូដែលដ៏មានប្រជាប្រិយ ដែលត្រូវបានចាត់ចូលក្នុងបញ្ជីប្រុសស្អាត ដោយសាររូបរាងសង្ហា និងភ្នែកដ៏មុតថ្លារបស់លោក។ ចូលសិល្បៈតាំងពីកុមារ និងបានទទួលពានរង្វាន់ជាច្រើន រយៈពេលកន្លងមក។
៧. Enchong Dee
ចំណែក តារាប្រុសរូបនេះវិញ ជាបុរសដែលមានភាពទាក់ទាញម្នាក់ មានសមត្ថភាពខាងសម្ដែង ដើរម៉ូដ និងក៏ជាកីឡាករហែលទឹកមួយរូបផងដែរ។
៨. Aljur Abrenica
Aljur ត្រូវបានចាត់ទុកថាជាតារាសម្ដែង អ្នករាំ តារាម៉ូដែល និងតារាចម្រៀងដ៏មានទេពកោសល្យ។ លោកមានរាងកាយដ៏អស្ចារ្យ ហើយបើអ្នកណាបានឃើញហើយ មើលសឹងមិនចង់ដកភ្នែកចេញទេ។
៩. Erwan Heussaff
ខុសពីអ្នកផ្សេងទៀត ក្នុងបញ្ជីប្រុសស្អាតហ្វីលីពីន គឹត្រង់ថា Erwan មិនមែនជាតារាទេ តែលោកត្រូវបានមហាជនស្គាល់ ហើយមានភាពល្បីល្បាញតាមរយៈ Instagram Facebook និង YouTube។ ទម្រង់មុខដ៏សិចស៊ី និងរាងកាយដ៏ស័ក្ដិសមជាបុរស ត្រូវបាននារីៗមិនតិចទេចាប់អារម្មណ៍មកលើលោក ។
១០. Christian Bautista
រីឯ ប្រុសសង្ហារូបនេះវិញ គឺជាតារាចម្រៀង តារាសម្ដែង តារាម៉ូដែល និងជាពិធីករទូរទស្សន៍ ប្រចាំប្រទេសហ្វីលីពីន។ ដងខ្លួនដ៏សិចស៊ី និងមានភាពទាក់ទាញ ប្រកបដោយសមត្ថភាពពេញខ្លួនខាងសិល្បៈ ទើបលោកត្រូវបានជ្រើសរើសចូលក្នុងកំពូលតារាហ្វីលីពីនដែលសង្ហាបំផុត ប្រចាំឆ្នាំ៕
*ចុចអាន៖
-ម៉ារីម៉ា កូនមួយហើយ តែបើនិយាយពីសម្រស់វិញ ក្រមុំៗសុំខ្មាស
-គូស្នេហ៍ម៉ារីម៉ាប៉ះគ្នាជាមួយគូស្នេហ៍បវរកញ្ញាចក្រវាលហ្វីលីពីន ក្នុងកម្មវិធីតែមួយ