ឫស្សីកែវ លត់កៀនស្វាយ ៣-០ ខណៈ បាទីយកឈ្នះ ម៉ៅសេងទុង ២-០ មុននេះ

2017-05-27 05:20:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ ឫស្សីកែវ បានយកឈ្នះក្រុម កៀនស្វាយ ៣-០ ខណៈក្រុមបាល់ទាត់ ស្រុកបាទី ឃុំត្រពាំងសាប យកឈ្នះក្រុមម៉ៅសេងទុង ២-០ សម្រាប់ការប្រកួតសន្សំពិន្ទុពានរង្វាន់ Acleda Cup 2017 មុននេះនៅទីលានវេស្ទើនភ្នំពេញ។

សកម្មភាពប្រកួតរវាង ក្រុមម៉ៅសេងទុង និងក្រុម ស្រុកបាទី

ពីគ្រាប់របស់ ស្រុកបាទី រកបានដោយកីឡាករ ម៉ី មករា ទាំងពីរគ្រាប់។ ដែលចប់ការប្រកួតក្រុម ស្រុកបាទីយកឈ្នះទៅលើក្រុម ម៉ៅសេងទុង ២-០។ ពីរក្រុមនេះមកពីពូល C ដែលជាការប្រកួតសន្សំពិន្ទុលើកទី១។

ចំណែក ៣គ្រាប់របស់ ឫស្សីកែវ រកបានដោយកីឡាករ ស៊ឹម សីហា កីឡាករ សូណា ដារ៉ា និងកីឡាករ ភន សុភ័ក្រ្តា។ ពីរក្រុមនេះមកពីពូល D ដែលជាការប្រកួតសន្សំពិន្ទុក្នុងពូលលើកទី១។

រដូវកាល ២០១៧ នេះមានចំនួន ៦៧ក្រុមដែលធ្វើការបែងចែកជា ៨ពូល ដោយធ្វើការប្រកួតជម្រុះសន្សំពិន្ទុតាមពូលនីមួយៗ។ ក្រុមដែលមានពិន្ទុលើគេចំនួន ២ក្រុមនៅតាមពូលនីមួយៗ នឹងទទួលបានសិទ្ធិឡើងទៅលេងនៅវគ្គ ៣២ក្រុមជាបន្តទៀត៕