ស៊ឹម ប៊ុនស្រ៊ន់ ថារបួសដៃជាសះស្បើយអាចចូលសង្វៀនវិញតែ...

2017-05-27 07:08:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងប្រដាល់ក្នុងទ្រុង ស៊ឹម ប៊ុនស៊្រន់ អះអាងថា ពេលនេះ របួសឆ្អឹងប្រអប់ដៃខាងឆ្វេងបានជាសះស្បើយវិញហើយ ប៉ុន្តែក្នុងស្រុកគ្មានសង្វៀនឡើងប្រកួតសាកល្បង បើឆាកអន្តរជាតិអារម្មណ៍ខ្លាចឈឺត្រង់មុខរបួស។

ស៊ឹម ប៊ុនស៊្រន់

អ្នកប្រដាល់ MMA លំដាប់ប្រទេសរូបនេះ បានឲ្យដឹងថា គ្រូពេទ្យបានប្រាប់គេថា របួសឆ្អឹងប្រអប់ដៃបានជាសះស្បើយ។ ប៉ុន្តែគេមិនទាន់បានសាកល្បងឡើងសង្វៀនវិញនៅឡើយ ពីព្រោះនៅកម្ពុជាគ្មានសង្វៀនក្នុងទ្រុង ដើម្បីបានឡើងសាកល្បងសមត្ថភាព។

កីឡាកររូបនេះបញ្ជាក់ថា សង្វៀនអន្តរជាតិរូបគេទម្លាយថា មួយរយៈចុងក្រោយនេះ មានអ្នករៀបចំកម្មវិធីចំនួនពីរបានទាក់ទងមក។ ប៉ុន្តែមិនអាចទៅចូលរួមព្រោះគ្មានទំនុកចិត្តថា ដៃមិនឈឺ ១០០%ពេលកំពុងប្រកួត ឬមិនទាន់ជាសះស្បើយ ១០០ %។

សឹម ប៊ុនស្រ៊ន់ បានរងរបួសឆ្អឹងប្រអប់ដៃកាលពីខែធ្នូ ឆ្នាំ២០១៦ ដោយប្រកួតនៅប្រទេសហ្វីលីពីនជាមួយកីឡាករចិនឈ្នះដោយពិន្ទុ៕