ទឹកជំនន់នៅស្រីលង្កា ស្លាប់និងបាត់ខ្លួន ជិត២០០នាក់
- 2017-05-27 07:04:01
- ចំនួនមតិ 0 | ចំនួនចែករំលែក 0
ទឹកជំនន់នៅស្រីលង្កា ស្លាប់និងបាត់ខ្លួន ជិត២០០នាក់
ចន្លោះមិនឃើញ
ទឹកជំនន់រួមជាមួយការបាក់ដី ដោយសារភ្លៀងរដូវមូសុង បានបណ្ដាលឲ្យមនុស្សយ៉ាងហោចណាស់ ចំនួន ៩១ នាក់បានស្លាប់ និងជាង ១០០ នាក់ កំពុងបាត់ខ្លួន នៅក្នុងប្រទេសស្រីលង្កា។ នេះបើតាមការបញ្ជាក់របស់មន្ត្រីស្រីលង្កា។
ភ្នាក់ងារជួយសង្គ្រោះ ឲ្យដឹងថា មនុស្សប្រមាណជា ២០ ០០០ នាក់ ត្រូវបានបង្ខំឲ្យចាកចេញពីលំនៅដ្ឋានរបស់ពួកគេ ដែលស្ថិតនៅក្នុងតំបន់ភាគខាងត្បូង និងខាងលិច នៃប្រទេសស្រីលង្កា។ ជាមួយគ្នានេះដែរ មានការបញ្ជូនទូកកងទ័ព និងឧទ្ធម្ភាគចក្រជាច្រើនគ្រឿង ដើម្បីជួយសង្គ្រោះជនរងគ្រោះផងដែរ។
គួររំលឹកថា ទឹកជំនន់ បានកកើតឡើងកាន់តែអាក្រក់ ចាប់តាំងពីខែឧសភា ឆ្នាំ ២០០៣ មកម្ល៉េះ ដោយនៅពេលនោះ ភ្លៀងរដូវមូសុងកម្លាំងខ្លាំង បានបំផ្លាញផ្ទះសម្បែងចំនួន ១០ ០០០ ខ្នង និងសម្លាប់មនុស្ស ២៥០ នាក់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
