ស្ពាយកូនធ្វើការសំណង់រាល់ថ្ងៃ ជីវិតពិតស្ត្រីក្រីក្រនៅឥណ្ឌា
- 2017-05-29 04:50:38
- ចំនួនមតិ 0 | ចំនួនចែករំលែក 0
ស្ពាយកូនធ្វើការសំណង់រាល់ថ្ងៃ ជីវិតពិតស្ត្រីក្រីក្រនៅឥណ្ឌា
ចន្លោះមិនឃើញ
ក្រោមកម្ដៅថ្ងៃដ៏ក្ដៅស្អុះស្អាប់ ស្ត្រីជនជាតិឥណ្ឌាមួយចំនួនបានញាប់ដៃធ្វើការសំណង់ប្ដូរយកកម្រៃចិញ្ចឹមជីវិត ទាំងនៅលើខ្នងស្ពាយជាប់កូនតូចដែលកំពុងដេកលង់លក់យ៉ាងស្កប់ស្កល់។
ក្រុង Shimla រដ្ឋ Himachal Pradesh ដែលជាតំបន់កំពុងអភិវឌ្ឍខ្លាំងលើវិស័យសំណង់តាមជម្រាលភ្នំ បានទាក់ទាញកម្លាំងពលកម្មយ៉ាងច្រើន ហើយភាគច្រើនជាស្ត្រី។ ដោយសារគ្មានជំនាញទើបទទួលបានប្រាក់កម្រៃតិច ត្រឹមប្រមាណ ៤០០រូពី(៦ដុល្លារ) ក្នុងមួយថ្ងៃ ប្រសិនបើធ្វើការពេញម៉ោង។ ស្ត្រីទាំងនោះត្រូវបង្ខំចិត្តស្ពាយកូនពីក្រោយខ្នង ដើម្បីធ្វើការផង និងមើលថែផង ព្រោះប្ដីសុទ្ធតែជាប់ធ្វើការដើម្បីក្រពះដូចគ្នា។
អង្គការ Women in Informal Employment បានបញ្ជាក់ថា ស្ត្រីក្នុងវិស័យសំណង់នៅឥណ្ឌាមានប្រមាណ ៥១ភាគរយ ហើយភាគច្រើនគឺជាអ្នកដែលគ្មានជំនាញ ធ្វើការងារតូចតាចដូចជា លើកឥដ្ឋ លើកខ្សាច់ លើកថ្ម និងយួរទឹកជាដើម។ យ៉ាងណាក្ដី អង្គការជាច្រើន រួមជាមួយរដ្ឋាភិបាលឥណ្ឌា កំពុងព្យាយាមបំពាក់បំប៉នជំនាញដល់ស្ត្រីទាំងនោះ ដើម្បីឲ្យពួកគេទទួលបានកម្រៃច្រើនជាងមុន។ ចំណែកកូនៗត្រូវបានអនុញ្ញាតឲ្យយកទៅកន្លែងធ្វើការ ហើយអង្គការកំពុងគិតគូរៀបចំកន្លែងមើលថែក្មេងដល់ស្ត្រីទាំងនោះ៕
ទស្សនារូបភាព និងវីដេអូដែលផ្ដិតដោយក្រុមការងារ Sabay៖
ចុចអាន៖ រឿងរ៉ាវទាក់ទងនឹងប្រទេសឥណ្ឌា
សួនថ្មដ៏អស្ចារ្យ តាមពិតកើតចេញពីមន្ត្រីរដ្ឋម្នាក់លួចធ្វើដោយសម្ងាត់ ៦០ឆ្នាំមុន
Pinjore Garden សួនលំហែដ៏ត្រជាក់ ទាក់ចិត្តមនុស្សគ្រប់វ័យនៅរដូវក្ដៅ