Man Utd ជាអ្នកបង្កើត Ronaldo មិនមែនក្លឹប Real Madrid ទេ

2017-05-29 02:27:44
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានឈ្នះពាន Ballon dÓr ៣ដង អំឡុងពេលលេងឱ្យក្លឹប Real Madrid ប៉ុន្តែ Michael Owen បែរជាគិតថាខ្សែប្រយុទ្ធរូបនេះល្អដោយសារតែបានចូលលេងឱ្យក្រុម Manchester United ទៅវិញ។

Ronaldo ជាកីឡាករដែល Sir Alex ទិញចូលដោយមានតម្លៃខ្លួនទាប ហើយយកមកបង្វឹកជាមួយក្រុមបិសាចក្រហមអស់រយៈពេលជាច្រើនឆ្នាំដែរ។ ខ្សែបម្រើប្រយុទ្ធស្លាបរូបនេះ ដំបូងឡើយមិនមែនពាក់អាវលេខ៧នោះទេ ប៉ុន្តែលោក Sir Alex មានទំនុកចិត្តលើគេ ទើបឱ្យលេខអាវតំណាងឱ្យកីឡាករល្អនេះទៅរូបគេពាក់ ហើយក៏ទទួលបានលទ្ធផលល្អដូចពេលបច្ចុប្បន្ន។

ខណៈដែលក្រោយពីផ្លាស់មកលេងនៅ Real Madrid ក្នុងតម្លៃខ្លួនខ្ពស់ជាងគេបំផុតនាគ្រានោះ Ronaldo នៅតែរក្សាទម្រង់លេងបានល្អដដែល ហើយក៏បន្ដជួយក្រុមឈ្នះពាន និងទទួលបានពានផ្ទាល់ខ្លួន Ballon dÓr ថែមទៀត។ ដូចជារដូវកាលនេះជាដើម រូបគេបានជួយក្រុមឈ្នះពាន La Liga ហើយឈានដល់វគ្គផ្ដាច់ព្រ័ត្រការពារតំណែងជើងឯក UEFA Champions League ។

ត្បិតតែយ៉ាងនេះក្ដី Owen បានបង្ហាញយោបល់ថា Ronaldo ល្អនេះ គឺដោយសារតែមានក្លឹប Manchester United ដែលបានបណ្ដុះរូបគេតាំងពីដើមមក។ “គាត់មានរដូវកាលល្អនិងទម្រង់លេងដល់កម្រិតតាំងពីនៅ Man Utd ម្ល៉េះ។ ដូច្នេះ ខ្ញុំមិនគិតថា Real Madrid ជាអ្នកធ្វើឱ្យរូបគេខ្លាំងនោះទេ ព្រោះ Man Utd និង Sir Alex បានបណ្ដុះគាត់ឱ្យល្អតាំងពីដើមមក”៕

ប្រភព៖ Goal ប្រែសម្រួល៖ មុន្នីរម្យ