ដឹង ៧ ចំណុចនេះ ធានាលែងខ្លាចខូចស្បែក

2017-05-31 06:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្បែក ផ្លាស់ប្ដូរទៅតាមអាកាសធាតុ ជាពិសេសមេឃក្ដៅ បើគ្មានវិធីការពារត្រឹមត្រូវ ស្បែកនឹងខ្លោចខ្មៅ ជាំស្រអាប់ ស្ងួត ចុះខ្សោយ។ ដំណោះស្រាយ ត្រូវផ្ដល់សំណើមដល់ស្បែក។ ខាងក្រោមជាវិធីសាស្ត្រមួយចំនួនជួយការពារស្បែកមានបញ្ហាអំឡុងអាកាសធាតុក្ដៅ៖

១. ញ៉ាំទឹកឲ្យបានគ្រប់គ្រាន់៖ ស្បែកខ្សោះជាតិទឹកពីខាងក្នុង គួរទទួលទានទឹកឲ្យបានគ្រប់គ្រាន់ ជំនួសឲ្យជាតិទឹកដែលបាត់បង់ ហើយមិនចាំបាច់តែស្រេក ទើបផឹកនោះទេ។

២. ការពារស្បែកកុំឲ្យត្រូវកម្ដៅថ្ងៃ៖ ត្រូវលាបក្រែម ឬក៏ឡេការពារកម្ដៅថ្ងៃ (កុំប្រើច្រើនមុខពេក ឡេតែមួយប្រភេទគឺគ្រប់គ្រាន់ហើយ) នៅពេលដែលអ្នកចេញក្រៅ ព្រោះកម្ដៅព្រះអាទិត្យ បំផ្លាញកោសិកាស្បែក បើមិនបានការពារ។

៣. ញ៉ាំអាហារ និងផ្លែឈើណាដែលមានប្រយោជន៍សម្រាប់ស្បែក៖ ជ្រើសរើសញ៉ាំអាហារណាដែលល្អសម្រាប់បំប៉នស្បែក និងព្យាយាមញ៉ាំបន្លែ-ផ្លែឈើឲ្យបានច្រើន ហើយចៀសវាងអាហារដែលធ្វើឲ្យស្បែក និងសុខភាពអ្នកមានបញ្ហា។ កាត់បន្ថយអាហារមានជាតិខ្លាញ់ ឬប្រភេទអាហារ Fast Food។ ព្យាយាមបរិភោគបន្លែ-ផ្លែឈើស្រស់ៗឱ្យបានច្រើនវិញ៖

- ល្ហុង៖ សម្បូរវីតាមីន A និងអង់ស៊ីម papain ដែលអាចកម្ចាត់កោសិកាងាប់ចេញ និងជំរុញការលូតលាស់របស់កោសិកាថ្មីៗ។

- ផ្លែប៉ោម៖ ប្រភេទផ្លែប៉ោមក្រហមសម្បូរទៅដោយ collagen (កូឡាជែន) សម្រាប់ជួយស្បែកឲ្យស្រស់ស្អាត។

- ឪឡឹក៖ ជាផ្លែឈើពេញនិយម និងងាយរកទិញក្នុងស្រុកខ្មែរ។ ដោយសារមានរសជាតិឆ្ងាញ់ និងសម្បូរទៅដោយជាតិទឹក ដូចនេះគ្មានអ្វីត្រូវឆ្ងល់ទេដែលថាវាជាជម្រើសដ៏សក្ដិសមបំផុតសម្រាប់ស្បែក។

- ម្នាស់៖ ក្នុងកាលៈទេសៈខ្លះ គេប្រើម្នាស់ជាថ្នាំព្យាបាលជំងឺទៀតផង។ ដោយសារវាសម្បូរអង់ស៊ីម ម្នាស់អាចប្រឆាំងនឹងការរលាក ឬហើមលើស្បែកបានយ៉ាងពូកែ។

៤. តមស្រា និងបារី៖ ជក់បារីធ្វើឱ្យស្បែករបស់អ្នកស្ងួត ឯការផឹកស្រាធ្វើឱ្យអ្នកបាត់បង់ជាតិទឹកនៅក្នុងខ្លួន។

៥. កាត់បន្ថយភាពតានតឹង៖ ភាពតានតឹងក៏ជាកត្តាធ្វើឱ្យស្បែកបាត់បង់សម្រស់ផងដែរ ព្រោះនៅពេលដែលអ្នកគិតច្រើន ឬតានតឹង នោះស្នាមជ្រីវជ្រួញក៏ងាយនឹងលេចឡើង។

៦. កំណត់សីតុណ្ហភាពទឹកសម្រាប់ងូត៖ គួរគប្បីងូតទឹកដែលមានសីតុណ្ហភាពសមល្មម មិនក្ដៅពេកឬត្រជាក់ពេក។

៧. ជ្រើសម៉ាស៊ីនត្រជាក់មិនប៉ះពាល់ដល់ស្បែក៖ បើគេងមានម៉ាស៊ីនត្រជាក់ គួររកប្រភេទម៉ាស៊ីនត្រជាក់ប្រភេទណាដែលមានបច្ចេកវិទ្យាកម្ចាត់មេរោគ។ ដូចម៉ាស៊ីនត្រជាក់ Samsung 8 Pole Digital Inverter 2017 ថ្មីនេះ មានម៉ូដែលមួយឈ្មោះថា Virus Doctor ដែលអាចកម្ចាត់មេរោគបានទាំងក្នុងម៉ាស៊ីន និងបរិយាកាសខាងក្រៅ ហើយថែមទាំងឆាប់ត្រជាក់ និងស៊ីភ្លើងតិចទៀតផង និងមិនប៉ះពាល់ដល់ស្បែកនោះទេ៕