មិនធម្មតាទេ! ល្ងាចនេះនៅ "សមាគមសិល្បៈសុវណ្ណភូមិ" មានកម្មវិធីពិសេសដល់ទៅ២
- 2017-06-02 07:57:51
- ចំនួនមតិ 0 | ចំនួនចែករំលែក 0
មិនធម្មតាទេ! ល្ងាចនេះនៅ "សមាគមសិល្បៈសុវណ្ណភូមិ" មានកម្មវិធីពិសេសដល់ទៅ២
ចន្លោះមិនឃើញ
ប្រិយមិត្តដឹងទេល្ងាចនេះនៅ "សមាគមសិល្បៈសុវណ្ណភូមិ" កម្មវិធីពិសេសៗដល់តែ២ មិនមែនមានតែទស្សនីយភាពសិល្បៈបែបបុរាណទេ ពោលគឺមានកម្មវិធីសម័យថែមទៀត។
កម្មវិធីទី១គឺ Small World Small Band ដែលប្រិយមិត្តភាគច្រើនស្គាល់តាមបទ "កុកគ្រូ បុណ្យភូមិ" នឹងបើកសន្និសីទសារព័ត៌មានផ្លូវការមួយ ស្ដីពី ការបើកសម្ពោធ អាល់ប៊ុមរបស់ខ្លួន លើកដំបូងបង្អស់ដែលមានឈ្មោះថា "២x៥" ។
កម្មវិធីនេះ នឹងចាប់ផ្ដើមពីម៉ោង ៤ ដល់ ៦ល្ងាច ថ្ងៃសុក្រ នេះតែម្ដង ក្រោមការរៀបចំដោយក្រុមយុវជន "ភ្លើងគប់" សហការជាមួយ #I AmOriginal និង ឧបត្ថម្ភដោយ ក្រុមហ៊ុន Smart, Close Up និង Wall Ice-Cream ។
នៅទីតាំងតែមួយ នៅមានព្រឹត្តិការណ៍ដ៏ពិសេសមួយទៀតគឺ ទស្សនីយភាព "ល្ខោនស្រមោលស្បែកធំ"។ ហើយក្នុងសប្ដាហ៍នេះ ប្រិយមិត្តនឹងបានទស្សនារឿង "រាមកេរ្តិ៍" ត្រង់ឈុត "សុក្កចាក" ចាប់ពីម៉ោង៧តទៅ។
តម្លៃសំបុត្រនៅដដែលគឺ ៤ម៉ឺនរៀល សម្រាប់ភ្ញៀវបរទេស ២ម៉ឺនរៀលសម្រាប់ភ្ញៀវជាតិ ១ម៉ឺនរៀល សម្រាប់សិស្សនិស្សិត ដែលមានកាតសម្គាល់ខ្លួន។
បញ្ជាក់ផងដែរថា "សមាគមសិល្បៈសុវណ្ណភូមិ" មានទីតាំងនៅ ផ្ទះលេខ១៦៦ ផ្លូវលេខ៩៩ កែង៤៨៤ សង្កាត់ បឹងត្របែក ខណ្ឌ ចំការមន រាជធានី ភ្នំពេញ៕