សង្គ្រាមប្រឆាំងពួក ISIS របស់ Duterte កាន់តែក្តៅ
- 2017-06-03 04:49:02
- ចំនួនមតិ 0 | ចំនួនចែករំលែក 0
សង្គ្រាមប្រឆាំងពួក ISIS របស់ Duterte កាន់តែក្តៅ
ចន្លោះមិនឃើញ
ផ្ទុះបាតុកម្មប្រឆាំងរ Donald Trump ដកខ្លួនចេញពីកិច្ចព្រមព្រៀងបម្រែបម្រួលទីក្រុងប៉ារីស
ផ្ទុះការតវ៉ាទូទាំងប្រទេស ប្រឆាំងរដ្ឋាភិបាលអាមេរិក ក្រោយប្រធានាធិបតី Donald Trump បានសម្រេចដកខ្លួនចេញកិច្ចព្រមព្រៀងបម្រែបម្រួលអាកាសធាតុទីក្រុងប៉ារីស ដែលជាកិច្ចព្រមព្រៀងសកលចុះហត្ថលេខា ដោយបណ្ដាមេដឹកនាំជុំវិញពិភពលោក កាលពីឆ្នាំ២០១៥។
តាមបណ្ដាទីក្រុងសំខាន់ៗទូទាំងសហរដ្ឋអាមេរិក រាប់បញ្ចូលទាំងបុរីញូវយ៉ក និងរដ្ឋធានីវ៉ាស៊ីងតោន ឌីស៊ី ចំពីមុខសេតវិមានអាមេរិក មនុស្សម្នាក់ជាច្រើន បានចាប់ផ្ដើមចេញមកតវ៉ា និងថ្កោលទោស ប្រឆាំង នឹងការសម្រេចចិត្តរបស់លោក Trump យ៉ាងចាស់ដៃ។
ទោះជារងការរិះគន់ខ្លាំងពីពលរដ្ឋអាមេរិក ក៏ដូចជាប្រជាជាតិជាសម្ព័ន្ធមិត្ត និងអ្នកជំនួញធំៗជាច្រើនផងនោះ ក៏ប្រធានាធិបតីរូបនេះ ហាក់មិនអើពើទៅនឹងសម្ដីរបស់ពួកគេឡើយ ខណៈក្រុមអ្នកវិភាគជឿថា ការសម្រេចចិត្តរបស់ លោក Trump ធ្វើឡើងដើម្បីប៉ះប៉ូវការសន្យារបស់លោក ទៅកាន់អ្នកគាំទ្រ អំឡុងពេលឃោសនាបោះឆ្នោត នាពេលកន្លងមក។
ថ្លែងបំភ្លឺទៅនឹងការរិះគន់នេះ លោក Donald Trump បានបោះសម្តីទៅកាន់ពិភពលោក ដោយលើកឡើងថា លោកឈ្នះឆ្នោត ដោយសារពលរដ្ឋក្នុងទីក្រុង Pittsburg មិនមែនពលរដ្ឋទីក្រុងប៉ារីសឡើយ។ Pittsburg ជាទីក្រុងចុងក្រោយ ក្នុងយុទ្ធនាការឃោសនាបោះឆ្នោតរបស់លោក Trump កាលពីឆ្នាំទៅ ហើយក៏ជាកន្លែងលោកសន្យា នឹងដកសហរដ្ឋអាមេរិកចេញពីកិច្ចព្រមព្រៀងនេះ ដោយចាត់ទុកកិច្ចព្រមព្រៀង ធ្វើឲ្យអាមេរិកបាត់បង់ផលប្រយោជន៍។
សង្គ្រាមប្រឆាំងពួក ISIS របស់ Duterte កាន់តែក្តៅ
សង្គ្រាមប្រឆាំងពួក ISIS របស់ប្រធានាធិបតីហ្វីលីពីន លោក Rodrigo Duterte កាន់តែក្តៅខ្លាំងនៅសប្ដាហ៍នេះ ដោយកងយោធារដ្ឋាភិបាល បានចាប់ផ្តើមបើកការវាយប្រហារតាមដែនអាកាសទៅលើមូលដ្ឋានរបស់ពួកបះបោរ កណ្ដាលទីក្រុង Marawi ដែលកំពុងត្រូវពួកនេះកាន់កាប់។
ការវាយប្រហារទ្រង់ទ្រាយធំនេះធ្វើឡើង ក្រោយលោក Rodrigo Duterte បានប្រកាសមិនចរចាជាមួយពួក ISIS និងប្ដេជ្ញាកម្ទេចពួកនេះ ឲ្យអស់ពីប្រទេសខ្លួនកាលពីថ្ងៃពុធ។
ទោះបីជាយ៉ាងណា យុទ្ធនាការវាយប្រហារតាមដែនអាកាស ពីសំណាក់យោធាហ្វីលីពីន ទៅលើក្រុមបះបោរទាំងពីរលើក កាលពីថ្ងៃពុធ និងថ្ងៃព្រហស្បតិ៍ មិនបានសម្លាប់ពួកបះបោរនោះឡើយ ប៉ុន្តែបែរជាសម្លាប់កងកម្លាំងថ្មើរជើងរដ្ឋាភិបាលហ្វីលីពីន ពេលកំពុងប្រតិបត្តិការសង្គ្រាមក្នុងទីក្រុង Marawi សរុបដល់ទៅ១០នាក់ និង៧នាក់រងរបួសទៅវិញ ហើយប្រតិបត្តិការទាំងពីរលើកនេះ ត្រូវចាត់ទុកជាបរាជ័យ។ ចាប់តាំងពីយោធាហ្វីលីពីន បើកប្រតិបត្តិការប្រឆាំងពួកភេរវករ ISIS ក្នុងប្រទេសខ្លួន យ៉ាងហោចណាស់ មនុស្សសរុប ៣៩នាក់ត្រូវបានសម្លាប់ ក្នុងនោះ ១៩នាក់ ជាជនស៊ីវិល និង២០នាក់ ជាក្រុមភេរវកររដ្ឋអ៊ីស្លាម។
អាមេរិក បាញ់ទម្លាក់មីស៊ីអន្តរទ្វីប ICBM បានជោគជ័យលើកដំបូង
យោធាអាមេរិក កាលពីថ្ងៃអង្គារ បានអះអាងខ្លួនជោគជ័យ ក្នុងការបាញ់សាកល្បងគ្រាប់មីស៊ីលប្រឆាំងមីស៊ីលអន្តរទ្វីបជាលើកដំបូង ដែលជាកម្មវិធីអាវុធកម្រិតខ្ពស់ ដើម្បីប្រឆាំងការគម្រាមពីសំណាក់មីស៊ីលអន្តរទ្វីបកូរ៉េខាងជើង។
យោធាអាមេរិក បានបាញ់មីស៊ីលឆ្លងទ្វីបប្រភេទ ICBM ចេញពីតំបន់ Kwajalein Atoll លើកោះ Marshall កណ្តាលមហាសមុទ្រប៉ាស៊ីហ្វិក ខណៈមីស៊ីលមួយប្រភេទទៀត ដែលគេអះអាងអភិវឌ្ឍន៍ឡើង ដើម្បីប្រឆាំងមីស៊ីលអន្តរទ្វីបរបស់កូរ៉េខាងជើងនោះ បានបាញ់ចេញពីមូលដ្ឋានទ័ពអាកាស Vandenberg ក្នុងរដ្ឋកាលីហ្វ័រញ៉ា ដោយបំផ្ទុះមីស៊ីល ICBM បានជោគជ័យ។
ភ្នាក់ងារទទួលបន្ទុកប្រព័ន្ធការពារមីស៊ីលអាមេរិក ប្រាប់ឲ្យដឹងថា នេះជាការបាញ់ផ្សាយផ្ទាល់លើកដំបូង ប្រឆាំងគ្រាប់មីស៊ីលអន្តរទ្វីប ដោយទទួលបានជោគជ័យទាំងស្រុង និងត្រូវចាត់ទុកជាសមិទ្ធផលការពារជាតិ មិនគួរឲ្យជឿរបស់អាមេរិក។
ទោះជាយ៉ាងណា ជោគជ័យមួយនេះ នៅមិនទាន់គ្រប់គ្រាន់អាចធានាសុវត្ថិភាពទាំងស្រុងសម្រាប់សហរដ្ឋអាមេរិកនោះឡើយ ដោយមន្ទីរបញ្ចកោណនៅព្រឹកថ្ងៃពុធនេះ អះអាងថា អាមេរិកមានវិធីសាស្ត្រច្រើនទៀត ដើម្បីបាញ់ទម្លាក់គ្រាប់មីស៊ីលកូរ៉េខាងជើង។
មីស៊ីលប្រឆាំងមីស៊ីលអន្តរទ្វីប ICBM របស់អាមេរិក ដែលទទួលបានជោគជ័យកាលពីថ្ងៃអង្គារ ត្រូវចាត់ទុកជាជោគជ័យលើកទី៩ ក្នុងការសាកល្បងប្រព័ន្ធការពារគ្រាប់មីស៊ីលសរុប១៧លើក ចាប់តាំងពីឆ្នាំ១៩៩៩មក ខណៈការសាកល្បងចុងក្រោយធ្វើឡើងអំឡុងឆ្នាំ២០១៤។
សូមទស្សនាវីដេអូ