Alves ថាក្រុម Juventus គ្មានខ្លាច Real Madrid សូម្បីប៉ុនក្រចកដៃ
- 2017-06-03 02:14:00
- ចំនួនមតិ 0 | ចំនួនចែករំលែក 0
Alves ថាក្រុម Juventus គ្មានខ្លាច Real Madrid សូម្បីប៉ុនក្រចកដៃ
ចន្លោះមិនឃើញ
ក្រុម Real Madrid និង Juventus បានទៅដល់ទីក្រុង Cardiff ប្រទេសវែលហើយ ដើម្បីត្រៀមខ្លួនប្រកួតវគ្គផ្ដាច់ព្រ័ត្រ UEFA Champions League ។
ទន្ទឹមនឹងការប្រកួតនេះដែរ Alves ដែលជាកីឡាករសំខាន់ម្នាក់របស់ Juventus បាននិយាយដោយទំនុកចិត្តថាខ្លួននឹងអាចយកឈ្នះលើក្រុម Real Madrid បាន ដើម្បីយកពានឱ្យក្រុមនៅអ៊ីតាលី។ អតីតកីឡាករ Barcelona រូបនេះបន្ដថា Team Old Lady បានត្រៀមខ្លួនរួចជាស្រេចសម្រាប់សង្គ្រាមលើវាលស្មៅ ហើយក៏មិនដែលគិតខ្លាច Team Mr. Europe សូម្បីប៉ុនក្រចកដៃដែរ។
ក្រុម Juventus ទាំងអស់គិតថាពួកគេនឹងអាចឈ្នះពានរង្វាន់មួយនេះ ក្រោយពីខកខានអស់ជាច្រើនឆ្នាំមកហើយ។ ស្របពេលដែល Real Madrid វិញ ក៏មានមហិច្ឆតាបង្កើតប្រវត្តិសាស្ត្រការពារតំណែងជើងឯកផងដែរ ក្រោយពីគ្មានក្រុមណាអាចធ្វើបានឡើយតាំងពីពានរង្វាន់មួយនេះបង្កើតឡើង។ ដូច្នេះប្រិយមិត្តមានតែរង់ចាំទស្សនាទាំងអស់គ្នានៅម៉ោង១:៤៥នាទីរំលងអាធ្រាត្រយប់នេះ នឹងដឹងថាក្រុមណាជាម្ចាស់ជើងឯកហើយ៕