“Ronaldo បច្ចុប្បន្ន ល្អជាងខ្ញុំកាលជំនាន់មុនទៅទៀត” Zidane

2017-06-03 02:53:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo រដូវកាលនេះរកបាន៤៩គ្រាប់ហើយ ដោយគិតគ្រប់ការប្រកួតទាំងអស់។ ដោយកីឡាកររូបនេះធ្វើបាន hat-trick ២ដងនៅ Champions League នាវគ្គ៨ក្រុមចុងក្រោយ និង៤ក្រុមចុងក្រោយ ដែលសឹងតែមិនគួរឱ្យជឿ។

សមត្ថភាពខ្ពស់យ៉ាងនេះហើយ ទើបបានជាលោក Zidane គិតថា Ronaldo បច្ចុប្បន្នមានសមត្ថភាពខ្ពស់ជាងលោកកាលជំនាន់មុនទៅទៀត មិនអាចប្រៀបជាមួយគេបានទេ។ អ្នកចាត់ការរូបនេះនិយាយបន្ថែមថា៖ “គាត់ស៊ុតគ្រាប់បាល់ដែលសំខាន់ៗ។ ខ្ញុំធ្លាប់ជាកីឡាករលេងល្អ ប៉ុន្តែរកគ្រាប់បាល់មិនមែនជាអ្វីដែលខ្ញុំធ្វើទេ ខ្ញុំល្អក្នុងការបញ្ជូនបាល់ឱ្យគេស៊ុត។ ខ្ញុំធ្លាប់ស៊ុតចូលគ្រាប់បាល់សំខាន់ៗដែរ ប៉ុន្តែមិនច្រើនដូចគាត់ឡើយ”។

ចំពោះការប្រកួតផ្ដាច់ព្រ័ត្រ Champions League អតីតកីឡាករ Juventus បាននិយាយដែរថាក្រុមទាំងមូលចង់បានលទ្ធផលល្អ ចង់បង្កើតប្រវត្តិសាស្ត្រដើម្បីឱ្យអ្នកគាំទ្រសប្បាយចិត្ត។ ក្ដីសង្ឃឹមតែងតែមាន ប៉ុន្តែប៉ះជាមួយក្រុមខ្លាំងនៅអ៊ីតាលីមួយនេះ Zidane មិនអាចនិយាយថាយ៉ាងណានោះទេ រង់ចាំការប្រកួតមកដល់ទើបដឹងច្បាស់៕

ប្រភព៖ Dailymail ប្រែសម្រួល៖ មុន្នីរម្យ