កូនគោទើបកើតក្បាលដូចមនុស្ស ផ្អើលអ្នកភូមិទៅបន់ស្រន់

2017-06-03 05:09:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនគោទើបកើតមានក្បាលដូចមនុស្ស កំពុងអន្ទងចិត្តអ្នកភូមិ និងអ្នកដំណើរចូលទៅមើលយ៉ាងច្រើន ព្រោះជាហេតុការណ៍គួរឲ្យភ្ញាក់ផ្អើល និងកម្របានឃើញបំផុត។

បើតាមប្រភព កូនគោនេះកើតនៅប្រទេសឥណ្ឌា ដោយមានភ្នែកពីរ ត្រចៀកពីរ និងច្រមុះមួយ មានសណ្ឋានដូចមនុស្ស ចំណែកត្រឹម.កចុះក្រោមរូបរាងគោសុទ្ធសាធ។ តែជារឿងគួរឲ្យសោកស្ដាយ វាបានងាប់បន្ទាប់ពីកើតបានមួយម៉ោង កាលពីថ្ងៃម្សិលមិញនៅទីក្រុង Muzaffarnagar រដ្ឋ Uttar Pradesh ភាគខាងជើងប្រទេសឥណ្ឌា។

ប៉ុន្តែភ្លាមៗ ក្រោយដំណឹងនេះបានដឹងតៗគ្នា អ្នកភូមិជិតឆ្ងាយបានសម្រុកមកមើលផ្ទាល់ភ្នែក និងបន់ស្រន់ព្រោះជឿថា ជាអវតាររបស់ព្រះវិស្ណុ ក្នុងសាសនាហិណ្ឌូ។ ក្នុងវីដេអូគេឃើញ អ្នកភូមិដាក់កម្រងផ្កា និងឱនក្បាលគោរពសាកសពកូនគោដែលគេរក្សាទុកក្នុងទូកញ្ចក់ក្រោយវាងាប់។

អ្នកស្រុកមានជំនឿថា កូនគោនេះជាព្រះ Gokaran ដែលជាជាតិទី ២៤ របស់ព្រះវិស្ណុ ហើយគេគ្រោងសង់កន្លែងគោរពប្រតិបត្តិមួយឲ្យកូនគោនេះទៀតផង។

ចំណែកម្ចាស់គោលោក Raja Bhaiya Mishra អាយុ ៥៥ ឆ្នាំ និយាយថា "វាជាអភូតហេតុមិនធ្លាប់មាននៅកន្លែងរបស់លោក។ មនុស្សរាប់ពាន់នាក់បានមកចូលមើល ហើយកូនគោនឹងយកបូជានៅ ៣ថ្ងៃបន្ទាប់ទៀត រួចសង់ខ្ទមមួយសម្រាប់អុជធូប។

ទោះជាយ៉ាងណា លោក Ajay Deshmukh ជាវេជ្ជបណ្ឌិតសត្វជាន់ខ្ពស់ និងជាអ្នកជំនាញសុខភាពសត្វព្រៃឥណ្ឌា មានការយល់ឃើញផ្សេងពីអ្នកភូមិអំពីលក្ខណៈកូនគោ និងពន្យល់បែបវិទ្យាសាស្ត្រថា"វាជាករណីមិនប្រក្រតីនៃរូបរាងកាយ។ ប្រសិនបើហ្សែនមិនលូតលាស់ត្រឹមត្រូវ ឬខុស វាបណ្ដាលឲ្យអវយវៈជាច្រើនខូចទ្រង់ទ្រាយ ដែលមិនមែនជាអប្បិយជំនឿឡើយ"៕